रौतहट । चन्द्रपुर–४ स्थित स्वस्तिक बचत तथा ऋण सहकारी संस्था लि. ले आफ्नो १३औं स्थापना दिवसको अवसरमा आज बाल सम्मेलन आयोजना गरेको छ । हातेमालो सामुदायिक बन समूहको सभाहलमा आयोजना गरिएको सम्मेलनमा १० वर्ष भन्दा माथिका ३ सय ११ बालबालिका सहभागी थिए । चन्द्रपुर नगरपालिकाका सहकारी शाखा प्रमुख शेख नसरे आलमको प्रमुख आतिथ्यतामा भएको उक्त सम्मेलनको अध्यक्षता संस्थाका अध्यक्ष नरेन्द्रबहादुर रानाले गर्नु भएको थियो । बाल सम्मेलनमा हाजिरी जवाफ प्रतियोगिता र नृत्य प्रतियोगिता आयोजना गरिएको थियो । हाजिरी जवाफ प्रतियोगितामा जागरण बाल क्लव, चन्द्रपुर–३ बाट ऋषि जर्घा मगर, स्वस्तिका दर्लामी मगर र प्रविण राउतको सहभागिता रहेको थियो ।  

त्यस्तै, सूर्योदय बाल क्लव, चन्द्रपुर–४ बाट हिमांशु मगर, खुसी राई र सन्दीप वि।क। को सहभागिता रह्यो भने  उपासना बाल क्लव चन्द्रपुर–५ बाट सुदिना पौडेल, उपासना पौडेल र सामुयल लामिछाने, समृद्धि बाल क्लव,चन्द्रपुर–६ बाट चार्लिन्स कुश्वार, रौनक वि।क। र आयुष चौधरी, सहनशील बाल क्लव, चन्द्रपुर–६ बाट रम्भा कुमारी गुप्ता, प्रकृति श्रेष्ठ र सिजल रिजाल र डावरी बाल क्लव, चन्द्रपुर–६बाट सम्पन्न के।सी।, एलेन तिमल्सिना र निशा सिंह कुश्वाहा सहभागी थिए । हाजिरीजवाफ प्रतियोगितामा जागरण बाल क्लव, चन्द्रपुर–३ प्रथम, सहनशील बाल क्लव, चन्द्रपुर–६ द्वितीय र उपासना बाल क्लव, चन्द्रपुर–५ त्रितीय भएका थिए ।  

त्यस्तै, एकल नृत्य प्रतियोगितामा चन्द्रपुर–६ की जया लामिछाने प्रथम, सोही वडाकी आरोही गौतम र मिरा राई क्रमशः द्वितीय र त्रितीय भए । सामूहिक नृत्य तर्फ उपासना बाल क्लवका निर्मला वि।क। र निर्जला वि।क। प्रथम, सोही क्लवका ऋतिका सुवेदी, युनिशा विक, आयुष्का खड्का र ऋतिका विकको टोली द्वितीय र जागरण बाल क्लवका कृतिका खत्री र कृष्टिना खत्रीको टोली तृतीय भएका थिए । 

प्रतियोगितामा विजयी बालबालिकालाई संस्थाको १३ स्थापना दिवसको दिन २०८१ फागुन ९ गते पुरस्कार प्रदान गरिने छ । चन्द्रपुर नगरपालिकाभर कार्यक्षेत्र रहेको स्वस्तिक साकोसमा १ सय ५४ वटा बचत समूह, ६ वटा बाल क्लव, ४,६४४ जना शेयर सदस्य र १९७० जना बालबचतकर्ताहरु रहेका छन भने संस्थाको कुल सम्पत्ति २५ करोड बढी रहेको छ ।