रौतहट । चन्द्रपुर नगरपालिका वडा नम्बर ५ मा रहेकोे श्री विन्दवासिनी बचत तथा ऋण सहकारी संस्थाले १३औं स्थापना दिवस मनाएको छ । स्थापना भएको १३ औ बर्षमा प्रवेश गरेको उपलक्ष्यममा संस्थाले भदौ १ गते सरोकारवाला निकाय सहितको उपस्थितिमा दिवस मनाएको हो । कार्यक्रमको उद्घाटन प्रमुख अतिथि रौतहट बचत तथा ऋण सहकारी संघका अध्यक्ष देबकी नेपालले गर्नुभएको थियो । 

कार्यक्रममा प्रमुख अतिथि नेपाल, स्वस्तिक बचत तथा ऋण सहकारी संस्था लिमिटेडका अध्यक्ष नरेन्द्र राना मगर, नव विकास साकोसका अध्यक्ष देब सापकोटा, संकल्प साकोसका अध्यक्ष बिभु पोखरेल, गुञ्जन एफएमका स्टेशन म्यानेजर संजय कार्की र स्थानीय साकोस व्यवस्थापकहरुले संस्थाको सफलताको शुभकामना प्रदान गर्नुभएको थियो । 

साकोसका व्यवस्थापक जनार्दन कोईरालाले सञ्चालन गर्नुभएको कार्यक्रममा स्वागत मन्तब्य संस्थाका उपाध्यक्ष ऋषिराम काफलेले राख्नु भएको थियो । संस्थाका अध्यक्ष गोबिन्द कोईरालाको सभापतित्वमा सम्पन्न कार्यक्रममा संचालक समिति, लेखा सुपरिवेक्षण समिति, सल्लाहकार समिति, विभिन्न उपसमिति, कर्मचारी एवम् संस्थाका विभिन्न छेत्रबाट प्रतिनिधि मुलक रूपमा शेयर सदस्य लगायतको उपस्थिति रहेको थियो ।