नवलपरासी । नेपाल बचत तथा ऋण केन्द्रीय सहकारी संघ लिमिटेड (नेफस्कून) बाट मध्य नेपाल बचत तथा ऋण सहकारी संस्था लिमिटेडमा एक्सेसका सूचकहरुमा स्थलगत सुपरिवेक्षण सम्पन्न गरेको छ।

असार ९ र १० गते सम्पन्न अनुगमन तथा सुपरिवेक्षण प्रतिवेदन छलफलमा संस्थाका अध्यक्ष तुलमणी पौड्याल, उपाध्यक्ष प्रेमाकुमारी खनाल, सचिव डिलाराम पाण्डे, कोषाध्यक्ष जगन्नाथ अर्याल, सञ्चालक समिति सदस्यहरू, प्रमुख कार्यकारी अधिकृत नरभुपाल भुसाल, सहायक कार्यकारी अधिकृत उमापति भट्टराई र वरिष्ठ अधिकृतहरूको सहभागिता थियो। उक्त छलफलमा संस्थाको समग्र अवस्थाको गहन समीक्षा गरिएको थियो।

संस्थागत दिगोपना र जोखिम न्यूनीकरणलाई केन्द्रमा राखेर संस्थाको संरचनागत अवस्था, वित्तीय पोर्टफोलियो, नियमनकारी अनुपालन, आन्तरिक प्रणाली र मानव संसाधन संरचनाको विस्तृत विश्लेषण गरेको छ। 

समिक्षामा अन्तर्राष्ट्रिय PEARLS मापदण्डअनुसार सम्पत्ति गुणस्तर, बजार पहुँच, सदस्यहरूको जनसांख्यिकीय अवस्था, लैङ्गिक समावेशीता र समुदायमा संस्थाको व्यावसायिक संलग्नता, आन्तरिक व्यावसायिक प्रक्रिया, डाटा व्यवस्थापन तथा डिजिटल प्रवर्द्धन, संस्थागत सुशासन, सञ्चालक समितिको स्वमूल्याङ्कन, कर्मचारी उत्पादकत्व लगायतका विषयहरुमा समेत समीक्षा गरिएको थियो। एक्सेस स्थलगत सुपरिवेक्षण र प्रतिवेदन संघका वरिष्ठ अधिकृत प्रेमनाथ वाग्लेले प्रस्तुत गर्नुभएको थियो ।