काठमाडौं ।  भक्तपुर स्थित नारी सेवा बचत तथा ऋण सहकारी संस्था लिमिटेडको आयोजनामा नेपाल बचत तथा ऋण सहकारी संघ लि. (नेफ्स्कून) को प्राविधिक सहयोग र The German Sparkassenstiftung for International Cooperation (DSIK) को सहयोगमा सञ्चालित तिन दिवसीय कृषक व्यवसाय खेल तालिम भक्तपुरमा जेष्ठ ०९ गते सम्पन्न भएको छ ।

Learning By Doing खेल विधिमा आधारित कृषक व्यवसाय खेल तालिम सहकारीका कृषि पेशामा संलग्न सदस्यहरुलाई निर्वाहमुखिबाट व्यवसायिक कृषिमा रुपान्तरण गर्ने रुपमा रहेको छ । सिमुलेसन विधिको प्रयोग गरि खेलिने यस खेलबाट सदस्यहरुले खेलबाट सदस्यहरुले कृषि पेशा व्यवसायबाट वास्तविक जीवनमा कृषिको व्यवसायिक वृद्धि विकासका लागि कसरी काम गर्नुपर्छ भन्ने विषय सम्बन्धि शैद्धान्तिक ज्ञानलाई व्यवहारसँग जोड्ने काम गर्दछ । 

नेफ्स्कूनको प्राविधिक सहयोगमा सञ्चालित उक्त तालिम नेफस्कूनका अधिकृत मन केशरी महर्जन र रिता सुवेदीले सहजिकरण गर्नुभएको थियो । तालिम समापनका क्रममा सहकारीका अध्यक्ष साहना पसखलले कृषि पेशामा आबद्ध सदस्यहरुलाई निर्वाहमुखि कृषि पेशाबाट व्यवसायिक कृषिमा रुपान्तरणका लागि अन्तर्रनिहित महसुस गराउने एक औजारको रुपमा सहयोग प¥याउने विश्वास व्यक्त गर्नुभएको थियो । 

तालिममा सिकाइ र यसले कृषकहरूको व्यावसायिक जीवनमा पार्ने सकारात्मक प्रभावबारे चर्चा गर्दै संस्थाका उपाध्यक्ष शुचिता शैजुले  प्रशिक्षकहरूलाई धन्यवाद ज्ञापन गर्नुभएको थियो भने तालिमको सञ्चालन साकोसका सचिव शिला कर्माचार्यले गर्नुभएको थियो ।

तालिममा साकोसका १८ जना सेयर सदस्यहरुको सहभागीता रहेको थियो । व्यावहारिक तथा सिमुलेशनमा आधारित सिकाइमार्फत सहभागीहरूले बजेट निर्माण, लागत गणना, निर्णय क्षमता तथा उद्यम व्यवस्थापन सम्बन्धी ज्ञान र सीप अभिवृद्धि गरेका थिए । यस तालिमर्ले  आफ्नो जीविकोपार्जनलाई अझ प्रभावकारी रूपमा व्यवस्थापन गर्न तथा आर्थिक रूपमा सशक्त बन्न सहयोग पु¥याएको सहभागीहरुले जानकारी दिए । साथै, सहकारी क्षेत्रभित्र दिगो तथा वित्तीय रूपमा सचेत महिला–नेतृत्वका सूक्ष्म उद्यमहरूको विकासमा समेत योगदान पु¥याएको बताउनुभयो  ।