सुनसरी । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) लेटाङ सेवा केन्द्र सुनसरी सदस्य सेवा कार्यालयमा एकीकृत भई मिति २०८२ मंसिर १ गतेदेखि सम्पूर्ण कारोबार तथा सेवा सुनसरी सदस्य सेवा कार्यालय मार्फत सञ्चालन हुने व्यवस्था भएको छ । 

सहजिकरण तथा समन्वय कार्यलाई प्रभावकारी बनाउन नेफ्स्कूनद्वारा लेटाङ क्षेत्रका विभिन्न साकोसहरूसँग स्थलगत भेटघाट तथा छलफल कार्यक्रम आयोजित गरिएको हो ।

मिति २०८२ कार्तिक २६ गते लेटाङ मोरङस्थित लेटाङ साकोस र एकीकृत जनभावना साकोस मा साकोसका व्यवस्थापन तथा सञ्चालकहरूसँग विस्तृत अन्तरक्रिया तथा छलफल सम्पन्न भएको थियो ।

त्यस्तै  मिति २०८२ कार्तिक २७ गते, सम्सेवन साकोस लेटाङ मोरङ, मोरङ साकोस लेटाङ मोरङ, नेवा साकोस लेटाङ मोरङ, जनमुखी साकोस कानेपोखरी मोरङ तथा रमाइलो जनएकता साकोस मा पनि क्रमशः भेटघाट, सुझाव सङ्कलन तथा अन्तरक्रिया कार्यक्रम सम्पन्न गरिएको छ ।

सम्पूर्ण छलफल तथा समन्वय कार्यक्रममा नेफ्स्कून सुनसरी सदस्य सेवा कार्यालय इन्चार्ज रिसभ राज रेग्मी तथा लेटाङ सेवा केन्द्र इन्चार्ज गणेश भण्डारी उपस्थित रहनुभएको थियो ।