बागलुङ । सिवाईसी बचत तथा ऋण सहकारी संस्था लि.ले आफ्नो १६औं स्थापना दिवसको अवसरमा आइतबार सरसफाई तथा वृक्षारोपण कार्यक्रम गरको छ । साकोसको सामाजिक उत्तरदायित्वको कार्यक्रम साथसाथै प्रदुषणमुक्त समाज र स्वस्थ जीवनयापनका लागि वृक्षारोपणको महत्वलाई उजागर गर्दै साकोसले सरसफाई र वृक्षारोपणको कार्यलाई प्रमुखता दिएको जनाएको छ । सो अवसरमा बाग्लुङ नगरपालिका–९, सालबोटस्थित आशापूर्णेश्वर शिवालय मन्दिर र शिवपुरी फड्के डाँडामा सरसफाई र वृक्षारोपण गरिएको हो । 

मन्दिर परिसरमा सरसफाई गर्दै तीन दर्जन नयाँ बिरुवा रोपिएका छन् भने संस्थाले पुराना बिरुवाहरूको गोडमेल गर्नुका साथै पिपल, धुपी, कल्की जातका ४ दर्जन नयाँ बिरुवा रोपेको जनाएको छ । 

संस्थाले “सदस्यको खुशीको आधार, प्रविधीयुक्त सुरक्षित कारोबार” भन्ने वार्षिक नाराका साथ चैत्र १३ देखि आगामी २६ गतेसम्म विभिन्न कार्यक्रम आयोजना गरी स्थापना दिवस मनाउँदैछ ।

चारतारे युवा क्लब (सिवाईसी) नेपाल, सिवाईसी साकोस र आशापूर्णेश्वर शिवालय मन्दिर परिवारको सहभागितामा ६ पिपल, २६ कल्की र १० धुपी बिरुवा रोपण गरियो। साथै, १०८ पिपल बिरुवाको गोडमेल र मन्दिर परिसरमा सरसफाई कार्यक्रम पनि सञ्चालन गरिएको थियो, संस्थाका अध्यक्ष चण्डी प्रसाद शर्माले जानकारी दिनु भयो ।

सदस्यको खुशीको आधार, प्रविधियुक्त सुरक्षित कारोबार भन्ने संस्थाको वार्षिक नाराका साथ मनाइरहेको १६ औं संस्था स्थापना दिवसको अवसरमा अभियान अन्तर्गतको १२ औ दिन बाग्लुङ नगरपालिका–९, सालबोटस्थित आशापूर्णेश्वर शिवालय मन्दिर, शिवपुरी फड्के डाँडामा सिवाईसी साकोसका कर्मचारी र संचालक समितिद्वारा गरिएको वृक्षारोपण मा ६ पिपल ,२६ कल्की र १० धुपी रोपण साथै १०८ पिपल गोडमेल  एवं मन्दिर परिसरमा सरसफाई कार्यक्रम सम्पन्न भएको छ ।