विश्व ऋण परिषद् (ओकू) की प्रमुख कार्यकारी अधिकृत एलिशा म्याक्कार्टर लाबोर्डले अमेरिकी विदेशमन्त्री मार्को रुबियोलाई आज एक पत्र लेखी यूएसएडको आर्थिक सहयोगमा विभिन्न ८ मुलुकका क्रेडिट युनियनहरुमार्फत सञ्चालनमा रहेको वित्तीय समावेशीतासम्बन्धी परियोजनाहरुको रणनीतिक महत्व दर्शाउँदै तिनको सम्मान गर्न आग्रह गर्नुभएको छ ।

दोस्रो कार्यकालका लागि अमेरिकाको राष्ट्रपति निर्वाचित डोनल्ड ट्रम्पले सबै प्रकारका वैदेशिक सहायता ९० दिनका लागि स्थगित गर्ने कार्यकारी आदेश गरेसँगै अमेरिकी विदेशी सहायता सम्बन्धी संस्था युएसएआइडीले ओकूसँगको सम्झौता अनुरुप सञ्चालित ३ वटै परियोजनाका काम बन्द गर्ने निर्णय गरेको थियो ।  

सोही विषयलाई समावेश गरी ओकू सिईओले हाल सञ्चालनमा रहेका ती परियोजनाले पिछडिएका समुदायका मानिसहरुलाई वित्तीय मूलप्रवाहीकरणमा जोड्ने भन्दै यस्तो कार्यप्रति अमेरिकी सरकारको ध्यानाकर्षण गराउनुभएको  हो ।