काठमाडौं । ललितपुरस्थित हाम्रो बचत तथा ऋण सहकारी संस्थाका सञ्चालकहरुका लागि नेफ्स्कूनको प्राविधिक सहयोगमा उच्चस्तरीय क्षमता अभिवृद्धि तालिम माघ १६ गते धुलिखेलमा सुरु भएको छ ।

सहकारी संस्थामा सुशासन कायम गर्न र दिगो वित्तीय व्यवस्थापनका लागि नव निर्वाचित सञ्चालक र लेखा सुपरिवेक्षण समितिलाई संस्था सञ्चालनको सीप तथा क्षमता अभिबृद्धिका लागि Credit Union Directors' competency Course -CUDCC तालिम सञ्चालन गरिएको साकोसका प्रमुख कार्यकारी अधिकृत इन्द्र घिमिरेले जानकारी गराउनुभयो । तालिममा साकोसको सञ्चालक समिति, लेखा सुपरिवेक्षण समिति, ऋण उपसमिति , शिक्षा उपसमिति र उच्च व्यवस्थापनबाट गरी २५ जनाको सहभागिता रहेको उहाँले उल्लेख गर्नुभयो । 

आज माघ १९ गतेसम्म सञ्चालन हुने तालिमको पहिलो दिन नेफ्स्कूनका प्रमुख कार्यकारी अधिकृत डा. शिवजी सापकोटाले सहकारी संस्थाको सञ्चालक र उच्च व्यवस्थापनले वर्तमान अवस्थामा खेल्नु पर्ने भूमिका तथा क्षमता विकासको विषयमा मार्गदर्शन गर्नुभएको थियो । संघका सहकायक कार्यकारी अधिकृत गणेश प्रसाद तिमल्सिना र अधिकृत उमेश कोइरालाले तालिम सहजीकरण गर्नुभएको छ ।