काठमाडौं । मोरङको दौतरी बलिया बचत तथा ऋण सहकारी संस्था लि. नेफ्स्कूनले सञ्चालन गरेको साकोसहरुको गुणस्तर सुनिश्चिततासम्बन्धी राष्ट्रिय सतरको स्तरीकरण कार्यक्रम प्रोवेसनमा आवद्ध भएको छ ।

साकोसको ५औं वार्षिक साधारण सभाको बैठकको अवसर पारेर अतिथिहरु तथा सदस्यहरुको समेत उपस्थितिमा प्रोवेसन कार्यक्रममा सम्झौता भएको हो । नेफ्सकूनका महासचिव घनश्याम अधिकारी तथा पूर्व महासचिव घनश्याम खतिवडासँगै नेफ्स्कून सञ्चालकहरु लक्ष्मी सापकोटा र शालिकराम ढकाल, कोशी प्रदेश बचत संघका अध्यक्ष हरि सुवेदी, जिल्ला बचत संघ मोरङका कोषाध्यक्ष डीबी थापा लगायतको उस्थितिमा सम्झौता सम्पन्न भएको हो ।

प्रोवेसन अर्थात् पूर्ण तथा व्यावसायिक साकोस विकास कार्यक्रममा आवद्धताले संस्थागत विकासमा महत्वपूर्ण भूमिका खेल्ने विश्वास साकोसले लिएको छ ।