सर्लाही जिल्लाको बागमती नगरपालिका वडा नं ६ मा अवस्थित सुर्योदय बचत तथा ऋण सहकारी संस्था लि. को १८ र्औ वार्षिक साधारण सभा असोज १० गते सम्पन्न भएको छ ।

सभाको उद्घाटन मधेश प्रदेशका सांसद तथा साकोसका पूव अध्यक्ष जवाहार लाल कुशवाहा र साधारण सभामा उपस्थित जेष्ठ नागरिक सदस्य ललित बहादुर खड्काले गर्नु भएको थियो ।

कार्यक्रममा सहकारी विकास बोर्डका पूर्व निर्देशक शिव घिमिरे र नेफस्कूनका सदस्य सेवा कार्यालय प्रमुख महेश बराल लगायतको उपस्थिति थियो । अतिथिका रुपमा उत्कृष्ट सदस्यहरुलाई मञ्चमा राखी सम्मान भाव प्रकट गरिएको थियो । 

बागमती नगरपालिका र बरहथवा नगरपालिका कार्यक्षेत्र रहको साकोसले ४ वटा कार्यालयहरु मार्फत सदस्यहरुलाई सेवा प्रदान गर्दै आएको छ । कार्यक्रममा उत्कृष्ट बचतकर्तातर्फ ५ जनालाई, उत्कृष्ट ऋणीतर्फ ५ जनालाई ,बाल बचतकर्ता तर्फ ४ जना ,उत्कृष्ट समुहतर्फ कमला महिला समुह , प्रविधि सेवा संचालन तर्फ १ जनालाई र एसईई तर्फ २ जना ,प्रमाणपत्र तहमा १ जना लाई सम्मान तथा पुरस्कार घोषण गरिएको थियो ।

सम्मान तथा पुरस्कार संस्थाको वार्षिक उत्सवमा प्रदान गरिने छ । साथै ७५ वर्ष उमेर भई सकेका सदस्यहरु प्रति सम्मान गर्ने घोषण सभामा गरिएको थियो ।  

१८ र्औ वार्षिक साधारण सभाको अवसरमा नेपाल रेडक्रस सोसाईति उप शाखा राजघाटको सहयोगमा ऋषिश्वर शर्माले उपलव्ध गराउनु भएको थियो । रक्तदान कार्यक्रममा ४५ जना सदस्यहरुले रक्तदान गर्नु भएको थियो । 

संस्थाका अध्यक्ष बुद्धि बहादुर तुम्सिग मगरको अध्यक्षतमा कार्यक्रम सम्पन भएको थियो भने संस्थाका सचिव श्रवण न्यौपानेले कार्यक्रम सञ्चालन गर्नु भएको थियो ।

सभाको उद्घाटन सत्रमा नेफस्कून सदस्य सेवा कार्यालय प्रमुख महेश बरालले साधारण सभामा सदस्यहरुको भूमिका विषयमा सदस्य शिक्षा प्रदान गर्नु भएको थियो साथै सहकारी विकास बोर्डका पूर्व निर्देशक घिमिरेले सहकारीका समयस्या र सहकारी शिक्षा बारे प्रकाश पार्नु भएको थियो ।