काठमाडौं । भारतस्थित कृषि बैंकिङका लागि अन्तर्राष्ट्रिय सहायता तथा प्रशिक्षण केन्द्र (सिक्ट्याब) र बैकुण्ठ महेता नेशनल इन्स्टिच्युट अफ कोअपरेटिभ म्यानेजमेन्ट (भ्याम्निकोम० ले नेशनल कोअपरेटिभ काउन्सिल अफ श्रीलंका तथा तथा त्यहाँस्थित सिक्ट्याब सदस्यहरुको संयुक्त आयोजनामा राजधानी कोलम्बोमा  International Training Program on 'Management Strategies to Develop Consumer Cooperatives' विषयक तालिम जुलाई ११ मा सफलतापूर्वक सम्पन्न भएको छ ।  

सिक्ट्याबका सार्क मुलुकका सदस्य संघ संस्थाका प्रतिनिधिहरु सहभागी तालिमको समापनमा नेफ्स्कूनका सञ्चालक सदस्य लक्ष्मी सापकोटाले बिशिष्ट व्यक्तित्वहरुलाई मायाको चिनो प्रदान गर्नुभएको थियो । तालिमका दौरान नेफ्स्कून सञ्चालक सापकोटाले नेपालको सहकारी अभियानसँगै नेफ्स्कूनको गौरवपूर्ण इतिहासको चर्चा गर्दै मुलुकको सहकारी अभियानको समसामयिक विषय, नेफ्स्कूनको रणनीतिक मार्गचित्र र सदस्य संघ संस्थाहरुको सम्बन्धका विषयमा प्रस्तुतीकरण गर्नुभएको थियो । तालिममा नेफ्स्कूनकी प्रशासन सहायक अनु कडेल पनि सहभागी हुनुहुन्यो । 

नेफ्स्कून र सिक्ट्याबबीच विगत लामो समयदेखि प्रगाढ सम्बन्ध रहँदै आएको छ ।