सिरहा । सिरहाको धनगढीमाई र सप्तरीको राजविराजमा साकोसहरुका लागि माघ २६ र २७ गते छुट्टाछुट्टै सदस्यता अभिमुखीकरण कार्यक्रम सञ्चालन भएका छन् ।  

जिल्लामा सञ्चालित सबै साकोसहरुलाई नेफ्स्कूनको सदस्यता लिन र सदस्य साकोसहरुका लागि नेफ्स्कूनबाट सञ्चालित कार्यक्रममा आबद्ध गराउने उद्देश्यसहित जिल्लामा कार्यक्रम आयोजना गरिएको थियो । 

सिराहामा आयोजित कार्यक्रममा जिल्लाका २२ साकोसवाट जम्मा २४ जना र सप्तरीमा आयोजित कार्यक्रममा जिल्लाका २१ साकोसबाट २३ जनाको सहभागिता रहेको थियो । 

सिरहामा आयोजित कार्यक्रममा जिल्ला बचत संघ सिरहाकी कोषाध्यक्ष देव कुमारी लामाको प्रमुख आतिथ्यता र जिल्ला बचत संघका सञ्चालक सचि महतोले स्वागत मन्तव्य व्यक्त गर्नुभएको थियो भने सप्तरीको कार्यक्रममा जिल्ला बचत संघका अध्यक्ष भवानी चौधरीको प्रमुख आतिथ्यता सहित ऊँ मिथिला साकोसका अध्यक्ष सुनिल कुमार झा र नेपाल सहकारीका प्रवन्धक शंकर प्रसाद साहले शुभकामना मन्तव्य व्यक्त गर्नुभएको थियो । 

दुवै कार्यक्रमको सहजीकरण नेफ्स्कूनका अनुगमन अधिकृत श्याम राजा तिमिल्सिनाले गर्नुभएको थियो भने आवश्यक समन्वय नेफ्स्कून सेवा केन्द्र लाहानका ईन्चाज संजय कुमार कर्णले गर्नु भएको थियो ।