साकोस एकीकरण समिति सर्लाहीको आयोजना, जिल्ला बचत संघ सर्लाहीको व्यवस्थापन तथा नेफ्स्कूनको प्राविधिक सहयोगमा साकोस एकीकरण सम्बन्धमा अभिमुखिकरण, जागरण तथा अन्तरक्रिया कार्यक्रम सम्पन्न भएको छ । सर्लाहीको सगुन साकोसको सभाहलमा हिजो सम्पन्न कार्यक्रममा जिल्लाका १८ ओटा साकोसका ७० जनाको सहभागिता थियो । कार्यक्रमको अध्यक्षता एकिकरण समितिका संयोजक बाबुराम घिमिरेले गर्नुभएको थियो । कार्यक्रमको प्रमुख अतिथि सर्लाही क्षेत्र नम्वर ३ क का सभासद डिल्ली उप्रेती रहनु भएको थियो भने कार्यक्रममा विशिष्ट अतिथिहरुमा नेफ्स्कूनका पूर्व अध्यक्ष ऋषिराज घिमिरे तथा नेफ्स्कूनका महासचिव दामोदर अधिकारी रहनुभएको थियो । यस्तै, अतिथिहरुमा नेफ्स्कूनका कोषाध्यक्ष दिपक पनेरु, संचालक सदस्य हरेराम प्रसाद पटेल, नेफ्स्कूनका फिल्ड इन्चार्ज महेश बराल लगायतको थियो । 

कार्यक्रममा पहिलो सत्रको प्रस्तुतीकरण एशियाली ऋण महासंघ (अकू) वा पूर्व अध्यक्ष समेत रहनुभएका ऋषिराज घिमिरेले गर्नु भएको थियो भने दोस्रो सत्रको प्रस्तुतिकरण नेफ्स्कूनका महासचिव दामोदर अधिकारीले गर्नु भएको थियो । कार्यक्रमा स्वागत मन्तव्य सगुन साकोसका अध्यक्ष केशव प्रसाद ढकालले गर्नु भएको थियो । कार्यक्रममा एकीकरण किन ? के का लागि ? कहिले ? कसका लागि? लगायतबारे नेफ्स्कूनका पूर्व अध्यक्ष ऋषिराज घिमिरेले प्रस्तुति गर्नु भएको थियो भने एकीकरणको औचित्य र त्यसको सैद्धान्तिक पक्षमा नेफ्स्कूनका महासचिव दामोदर अधिकारीले प्रस्तुतिकरण गर्नु भएको थियो । कार्यक्रम संचालन एकीकरण समितिका सचिव तथा स्वस्तिक बचत तथा ऋण सहकारी संस्था लि. व्यवस्थापक विनोद थापाले गर्नु भएको थियो । कार्यक्रममा लालबन्दी नगरपालिका स्थित डुमडुमे साकोस, पौरखी साकोस र जनहित साकोसले एक अर्कामा एकिकरण गर्ने प्रतिबद्धता समेत व्यक्त गरेका थिए । ती साकोसका प्रतिनिधिहरुलाई कार्यक्रमका विशिष्ट अतिथिद्वय ऋषिराज घिमिरे र दामोदर अधिकारीले खादा तथा टिका लगाएर एकीकरण सम्पन्न गर्न शुभकामना व्यक्त गर्नु भएको थियो ।