जनकपुरधाम । मधेश प्रदेश अन्तरर्गत धनुषाको जनकपुरधाममा वार्षिक कार्ययोजना तथा बजेट निर्माण तालिम सम्पन्न भएको छ । नेफ्स्कून जनकपुर फिल्ड कार्यलयको आयोजनामा यही असार ९ र १० गते उक्त तालिम सञ्चालन भएको हो । नेफ्स्कूनले आफ्नो सदस्य संस्थाहरुलाई लक्षित गरी आगामी आर्थिक वर्षको योजना तथा बजेट निर्माणमा सहयोग पुर्याउने हेतुले उक्त कार्यक्रम सञ्चालन गरेको हो । 

कार्यक्रमको सुरुमा नेफ्स्कून फिल्ड व्यवस्थापन उपसमिति सदस्य सुधिर पाण्डे, गंगा बलम्पाकी, नविन कर्ण, विजय महतो को सहभागिता रहेको थियो । कार्यक्रममा बोल्दै सहभागी तथा नेफ्स्कून फिल्ड व्यवस्थापन उपसमिति सदस्यहरुले यस तालिम उपयुक्त समयमा सञ्चालन भएकोमा खुसी व्यक्त गर्दै आगामी दिनमा संस्थालाई कार्ययोजना र बजेट निर्माण गरी संस्था सञ्चालन गर्नमा महत्वपूर्ण सयोग मिल्लने विश्वास राख्नुभएको थियो ।

विभिन्न साकोसहरुबाट ३३ जना को सहभागिता रहेको उक्त तालिमको सहजिकरण नेफ्स्कून अनुगमन अधिकृत श्याम राजा तिमल्सिनाले गर्नुभएको थियो । तालिममा सहभागी सम्पूर्ण साकोसका सहभागीहरुले कार्ययोजना तथा बजेटको आवश्यकता अधिक रहेको कुराको ज्ञान भएकाले आगामी आर्थिक वर्षमा बार्षिक कार्ययोजना र बजेट अनुरुप कार्य अगाडी बढाउन सहज हुने विचार राख्नुभएको थियो ।