काठमाडौं । स्थानीय तहको निर्वाचनमा नेपाल बचत तथा ऋण केन्द्रीय सहकारी संघ लि.(नेफ्स्कून) का सञ्चालक सदस्य यज्ञ प्रसाद ढकाल सुर्खेतको भेरीगंगा नगरपालिकाको प्रमुख (मेयर) पदमा निर्वाचित हुनुभएको छ । त्यसैगरी नेफ्स्कूनका सञ्चालक सदस्य जनक खत्री भक्तपुर, चाँगुनारायण नगरपालिका वडा नं. ८ को वडा अध्यक्षमा निर्वाचित हुनुभएको छ ।  

सुर्खेतको गंगामाला स्वावलम्बन बचत तथा ऋण सहकारी संस्थाको प्रतिनिधित्व गर्दै नेफ्स्कूनमा लगातार दुई कार्यकाल सञ्चालकमा रहनुभएका ढकाल विगत लामो समयदेखि कर्णाली प्रदेशकै सहकारी अभियन्ताको रुपमा परिचित हुनुहुन्छ । 

चाँगुनारायण नगरपालिका वडा नं. ८ को वडा अध्यक्षमा विजयी खत्री भक्तपुरको सुडालस्थित सरसापट बचत तथा ऋण सहकारी संस्थाको निवर्तमान अध्यक्ष हुनुहुन्छ । नेफ्स्कूनको २०७६ पुस ६ गते सम्पन्न २८औं बार्षिक साधारणसभाबाट खत्री नेफ्स्कूनको सञ्चालकमा निर्वाचित हुनुभएको थियो ।