सर्लाही । ६५ औँ राष्ट्रिय सहकारी दिवसको अवसर पारेर सर्लाहीको ईश्वरपुर नगरपालिका स्थित स्वस्तिक बचत तथा ऋण सहकारी संस्था लि.ले मानव सेवा सहयोगको कार्यक्रम गरेको छ । 

साकोसले हरिवन न.पा अन्तर्गत नयाँरोडमा रहेको मानव सेवा आश्रमलाई नगद रु १०,००० (दश हजार) सहयोग गरेको हो । संस्थाको हरेक आर्थिक वर्ष तीन वटा मानवीय सेवा गर्ने योजना अनुरुप यस वर्षको दोश्रो कार्य सहकारी दिवसको अवसर पारेर गरिएको संस्थाका अध्यक्ष वेनी वहादुर कार्कीले जानकारी दिनु भयो ।

साकोसका अध्यक्ष कार्की सहित उपाध्यक्ष वाल्मीकि सिं, सचिव वेचु प्रसाद तिमलसिना, कोषाध्यक्ष विष्णुहरि मैनाली, संचालक सदस्य रामजी गिरी, व्यवस्थापक विनोद कुमार थापा र लेखा सहायक शेखर वहादुर लामा मानव आश्रम मै गई नगद दश हजार हस्तान्तण गरेको हो । मानसिक स्थिति ठीक नभएका तथा विभिन्न किसिमले सडकमा वसेका महिला तथा पुरुष गरि ६३ जना हरिवनस्थित आश्रमको सेवामा रहेका छन् ।

साकोसले यसअघि पनि विभिन्न मानव सेवा र सामाजिक उक्तरदायित्वका कार्यक्रमहरु आयोजना गर्दै आइरहेको छ । साकोसले गत पौषमा भरतपुर आँखा अस्पतालको सहयोगमा ९९५ जनाको आँखा परिक्षण गरि २८५ जनाको मोतिया विन्दुको निशुल्क अपरेशन गराएको संस्थाका व्यवस्थापक  विनोद कुमार थापाले जानकारी गराउनुभयो ।