नेपाल बचत तथा ऋण सहकारी संघको फिल्ड कार्यालय रुपन्देहीको आयोजना रुपन्देही जिल्लाको छपियामा तीन दिवसीय आवासीय तालिम संञ्चालन भएको छ । नेफ्स्कूनका संञ्चालक संन्दीप सापकोटाको अध्यक्षतामा आयोजित उदघाटन सत्रको प्रमुख अतिथि नेफ्स्कूनका महासचिव एवं तालिम शिक्षा उप समिति संयोजक दामोदर अधिकारी रहनुभएको थियो । 

प्रमुख अतिथि अधिकारीले संघले कोभिड १९ को संक्रमणले गर्दा नेफ्स्कूनले संञ्चालन गर्ने तालिम शिक्षाका कार्यक्रम प्रभावित भएता पनि अवस्था सहजभएसँगैै निरन्तरता पाएको उल्लेख गर्नुभयो । ऋण अधिकृतको व्यवसायिक दक्षता र संस्थाको ऋणको प्रभावकारी व्यवस्थापनमा तालिम कोसेढुंगा सावित हुने विश्वास उहाँले व्यक्त गर्नुभयो । ऋण अधिकृत संस्थाको मुख्य वित्तीय परामशदार्ता भएकाले पनि उत्पादन मुलक तथा सुरक्षित लगानीमा महत्वपूर्ण भूमिका रहने धारणा महासचिव अधिकारीले राख्नुभयो । सिकाइको पूर्णता कहिल्यै पुरा नहुने र सिकाइको पूर्णता महसूस गरे सृजनशीलताको ढोका बन्द हुने भएकाले निरन्तर सिकाइ आवश्यक रहेकोले संघले तालिम शिक्षालाई महत्वका साथ अघि बढाएको उहाँले बताउनुभयो । 

उदघाटन सत्रका अध्यक्ष सापकोटाले तालिमको सैद्धान्तिक पक्ष सम्पन्न भए पनि व्यवहारमा लागु हुन नसके अपुरो हुने धारणा राख्नुभयो । साथै सहकारीहरुमा आधारभूत वर्गका मानिसहरुको रकम बढी जम्मा हुने भएकाले ऋण अधिकृतले प्रभावकारी वित्तीय व्यस्थापन र ऋण परिचालन गर्न नसको आधारभूक्त वर्ग प्रति अन्याय हुने धारणा राख्नुभयो । फागुन १० गते देखी १२ गते सम्म संञ्चालन हुने तालिममा लुम्बीनी प्रदेशका ७ वटा जिल्ला बाट २६ वटा साकोसका २९ जना ऋण अधिकृत तथा उच्च व्यवस्थापनको सहभागिता रहेको छ भने संघका सदस्य सेवा विभाग प्रमुख गणेश प्रसाद तिमिल्सेना र फिल्ड कार्यालय इन्चार्ज छत्र प्रसाद धमालाले सहजीकरण गर्नुभएको छ । उदघाटन सत्रमा स्वागत मन्तव्यसहित गणेश प्रसाद तिमिल्सनााले उद्देश्यमाथि प्रकाश पार्नुभएको थियो भने संञ्चालन फिल्ड कार्यालय इन्चार्ज छत्र प्रसाद धमालाले गर्नु भएको थियो ।