काठमाडौं । नेपाल सरकारका नवनियुक्त गृहमन्त्री बालकृष्ण खाँडलाई नेफ्स्कूनका पदाधिकारीहरुद्वारा बधाई एमव्  शुभकामना व्यक्त गर्नुभएको छ । आज विहान मन्त्रीनिवासमा आयोजित संक्षिप्त कार्यक्रमका बीच भएको भेटघाटका क्रममा राष्ट्रिय सहकारी महासंघ लिमिटेडका सल्लाहकार समेत रहनुभएका मन्त्री खाँडले नेफ्स्कून र नेपालको सहकारी अभियानसँग परिचित रहेको बताउँदै अभियानको विकास र प्रवर्धनका लागि प्रतिबद्ध रहने विचार व्यक्त गर्नुभयो । भेटका क्रममा नेफ्स्कूनका अध्यक्ष परितोष पौड्याल, बरिष्ठ उपाध्यक्ष चन्द्र प्रसाद ढकाल, उपाध्यक्ष शान्ति अधिकारी, महासचिव दामोदर अधिकारी, कोषाध्यक्ष दिपक पनेरु र कामु प्रमुख कार्यकारी अधिकृत प्रकाश प्रसाद पोखरेल उपस्थित हुनुहुन्थ्यो ।