६४ औं राष्ट्रिय सहकारी दिवसको उपलक्ष्यमा भक्तपुर जिल्ला बचत तथा ऋण सहकारी संघ लि.को आयोजनामा वर्तमान सहकारी ऐन कानुन र त्यसको सान्दर्भिता विषयक अन्तरक्रिया कार्यक्रम आयोजना गरिएको छ । कार्यक्रमका विशिष्ट अतिथि नेपाल बचत तथा ऋण केन्द्ीय सहकारी संघका पूर्वअध्यक्ष एवंम् सहकारी विज्ञ कैलाश भक्त प्रधानांगले कार्यक्रमको उद्घाटन गर्दे पद, पैसा र पहुँचका आधारमा संचालित सहकारी संस्थाहरुमा चरम बेथिति रहेका कारण जनताका बचत जोखिममा रहेको कुरा बताउनुभयो । उहाँले सहकारी ऐन पाँच पटक बनी सक्दा पनि सहकारीमा बेथिति रोक्न नसकेकोमा खेद व्यक्त गर्दै आम जनतामा सहकारी शिक्षा दिनुपर्ने कुरा बताउनु भयो ।

संघका अध्यक्ष कृष्ष्ण गोविन्द लाखाजुले वर्तमान सहकारी ऐन कानुन र त्यसको सान्दर्भिकता विषयमा कार्यपत्र प्रस्तुत गर्दै व्यवहारिक कानुन मात्र कार्यान्वयमा आउने भएकोले अव्यवहारिक कानुनहरुको सुधारका लागि ध्यान आर्कषण गर्दे आएको कुरा बताउनु भयो । उहाँले सहकारी मर्यादित व्यवसाय हुदाँ हुर्दै पनि अमार्यदित गतिविधले प्रशय पाएकोमा चिन्ता व्यक्त गर्दै अमर्यादित ढंगबाट संचालित सहकारी संस्थाहरुलाई मर्यादित बनाउन ऐन बमोजिम कार्वाहि गर्नुपर्ने विचार व्यक्त गर्नु भयो ।

नेफस्कूनकी संचालक सदस्य मन्दरा भिश्रले सहकारीको ऐनको परिपलना गर्न गराउनमा संघ लागि परेको कुरा बताउर्दै स्थिरिकरण कोषलाई प्रभावकारी संचालन गर्न संशोधन तथा परिर्माजनको आवश्यकता रहेको कुरा बताउनुभयो । जिल्ला सहकारी संघका उपाध्यक्ष कुष्ण बहादर घजुले सहकारी दिवसको चर्चा गर्दे सहकारीका संचालक र व्यवस्थापकहरु एवंम कर्मचारीहरुलाई तालिमको आवश्यकता रहेको कुरा बताउनुभयो । जिल्ला कृषि सहकारी संघका अध्यक्ष सनिस लागेजुले सकारीलाई उत्पादनसंग जोडेर लानुपर्ने आवश्यकता औंल्याउनु भयो । भक्तपुर नगरपालिकाका प्रतिनिधि एवम् भनपा वडा न २ का वडा अध्यक्ष हरिप्रसाद वासुकलाले भक्तपुर नपाले संचालन गरिरहेको सहकारी गविधिबारे चर्चा गर्दै जनताले अस्विकार गरेको अव्यवहारिक ऐन कानुन संशोधनमा भक्तपुर नगरपालिका सकारात्मक रहेको विचार व्यक्त गर्नु भयो । संघका वर्तमान अध्यक्ष राधेश्याम सुवालले सहकारी दिवसको लागि तय गर्ने नाराको सार्थकता बारे अभियानले समिक्षा गर्नुपर्ने विचार राख्नुभयो ।

संघका उपाध्यक्ष हरि बल्लले स्वागत मन्तव्य दिर्दै सहकारीलाई जे बुझ्यो त्यही ढंगबाट संचालन गर्दा समस्या आएकोले सहकारीको  नियमानकारी निकायले संघ सहितको अनुगमनमा ध्यानदिनुपर्ने विचार राख्नु भयो । संघका व्यवस्थापक बालकृष्ण धोजुले कार्यक्रमको संचालन गर्दै सहकारी संघ, संस्था र नियमनकारी निकायको समेत सहभागितामा भएको अन्तरक्रिया कार्यक्रमले सहकारीमा वेथिति रोक्न आम जनसमुदाय, सहकारी संचालक, सहकारीका सदस्य र नियमनकारी निकायलाई सहकारी शिक्षा तथा तालिमको आवश्यकता बोध गराएको विचार व्यक्त गर्नु भयो । सो कार्यक्रममा सदस्य संस्थाबाट १३० जनाको सहभागिता रहेको थियो ।