काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) ले आफ्नो ३९औँ स्थापना दिवसको अवसरमा प्रदान गरिने सम्मान तथा पुरस्कारका लागि विवरण अद्यावधिक गर्न आग्रह गरेको छ । 

राष्ट्रिय र प्रदेशस्तरीय विभिन्न पुरस्कार तथा सम्मानका लागि सदस्य संघसंस्थाहरूलाई संघको सूचना प्रणालीमा विवरण अद्यावधिक गरी सहभागी हुन अनुरोध गरेको हो । 

परिपत्रअनुसार, सम्मान तथा पुरस्कारका लागि सदस्य सूचना प्रणाली (MIS) मा रहेको SCAN Risk Report र संस्थाको प्रोफाइल का आधारमा छनोट गरिने भएकाले संस्थाहरूले आवश्यक विवरण समयमै अद्यावधिक गर्नुपर्ने जनाइएको छ ।

नेफ्स्कूनले यस वर्ष सर्वोत्कृष्ट व्यवस्थापक (राष्ट्रिय), सर्वोत्कृष्ट संस्था (राष्ट्रिय), उत्कृष्ट व्यवस्थापक (प्रदेशस्तरीय), उत्कृष्ट संस्था (प्रदेशस्तरीय) तथा प्रदेश/जिल्ला बचत संघ सम्मान लगायत विभिन्न विधामा सम्मान प्रदान गर्ने जनाएको छ ।

पुरस्कारमा सहभागी हुनका लागि २०८२/०८३ मा संघमा नविकरण भएको, संघबाट ऋण लिएको भएमा भाखा ननाघेको, अघिल्लो ३ महिनाको मासिक वित्तीय विवरण र २०८३ असारको अपरिस्कृत वित्तीय विवरण सदस्य सूचना प्रणालीमा दाखिला गरेको तथा प्रोफाइलमा सञ्चालक समिति, लेखा सुपरिवेक्षण समिति र उच्च व्यवस्थापनका कर्मचारीको विवरण अद्यावधिक गरेको हुनुपर्नेछ ।

यी विवरणहरू २०८३ श्रावण २२ गतेभित्र सदस्य सूचना प्रणालीमा प्रविष्टि भइसकेको हुनुपर्ने संघले जनाएको छ । संघले सबै सदस्य संघसंस्थाहरुलाइ विवरण अद्यावधिक गरि सहभागि हुन अनुरोध गरेको छ । 

विवरण अद्यावधिक का लागि तलको लिंकमा क्लिक गरी गर्न सक्नु हुनेछ:                               https://mis.nefscun.org.np:8443/NEFSCUN/saccos/login