भक्तपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी संस्थाहरूमा जोखिम न्यूनीकरण, सुशासन तथा दिगोपना अभिवृद्धि गर्ने उद्देश्यले सञ्चालन गर्दै आएको स्क्यान कार्यक्रमअन्तर्गत श्री बाराही बचत तथा ऋण सहकारी संस्था लिमिटेड को दोस्रो स्थलगत सुपरिवेक्षण असार ०४ गते सम्पन्न गरेको छ ।

भक्तपुर महानगरपालिका–४, भुलाँचा स्थित उक्त संस्था एक्सेस कार्यक्रममा आबद्ध रहेको यस साकोसको स्तरीकरणका लागि नेफ्स्कूनले दोस्रो चरणको स्थलगत सुपरिवेक्षण गरेको हो ।

सुपरिवेक्षण सम्पन्न पश्चात नेफ्स्कूनका कार्यक्रम अधिकृत सुमनराज घिमिरेले संस्थाको सञ्चालक समिति तथा व्यवस्थापनसँग छलफल गर्नुभएको थियो । 

छलफलका क्रममा संस्थाको वर्तमान अवस्था, सुधारका सम्भावित क्षेत्र तथा आगामी कार्ययोजनाबारे समीक्षा गरिएको थियो । सोही आधारमा संस्थाले सुधार योजना तयार गरी प्रभावकारी रूपमा कार्यान्वयन गर्ने प्रतिबद्धता व्यक्त गरेको छ ।

नेफ्स्कूनले स्क्यान कार्यक्रम मार्फत सदस्य संस्थाहरूको संस्थागत सुदृढीकरण, सुशासन प्रवद्र्धन तथा दीर्घकालीन दिगोपनामा सहयोग पु¥याउँदै आएको छ ।