कास्की । कास्की महानगरपालिका–१२ स्थित श्री दुध पोखरी बचत तथा ऋण सहकारी संस्था लिमिटेडको नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा सञ्चालित नियमित निरीक्षण तथा अनुगमन कार्यक्रम (स्क्यान) अन्तर्गत स्थलगत सुपरिवेक्षण असार ०३ गते सम्पन्न भएको छ ।

सहकारी संस्थाहरूमा पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण तथा सुशासन र दिगोपना अभिवृद्धि गर्ने उद्देश्यले नेफ्स्कूनले नियमित रूपमा स्थलगत अनुगमन कार्यक्रम सञ्चालन गर्दै आएको छ ।

सुपरिवेक्षणका क्रममा संस्थाको स्तरीकरणसँग सम्बन्धित विभिन्न विषयहरूमा अध्ययन तथा मूल्याङ्कन गरिएको थियो । यस अन्तर्गत बचत तथा ऋण परिचालनको अवस्था, ब्याजदर व्यवस्थापन, वार्षिक योजनाको कार्यान्वयन, सम्पत्ति शुद्धीकरण निवारण नीतिको पालना, नियामकीय निकायबाट प्राप्त निर्देशनहरूको कार्यान्वयन, भाखा नाघेको ऋण असुलीको अवस्था, संस्थाको समग्र आर्थिक स्थिति तथा सदस्यलाई उपलब्ध गराइएका सेवा–सुविधाको समीक्षा गरिएको थियो ।

नेफ्स्कूनका कार्यक्रम अधिकृत मनोज खड्काले सुपरिवेक्षणका क्रममा संस्थाका पदाधिकारी तथा व्यवस्थापनलाई आवश्यक सुझाव तथा परामर्श प्रदान गर्नुभएको थियो । संस्थाको सुशासन, वित्तीय अनुशासन तथा सदस्यकेन्द्रित सेवामा थप सुधार गर्दै लैजान सुझाव दिनुभएको छ ।

सुपरिवेक्षणबाट प्राप्त सुझावहरूलाई सुधारउन्मुख ढंगले कार्यान्वयन गर्दै संस्थाको सेवा प्रवाह र व्यवस्थापनलाई अझ प्रभावकारी तथा व्यवस्थित बनाउने प्रतिबद्धता साकोसले गरेको छ ।