चितवन । नेपाल बचत तथा ऋण केन्द्रीय सहकारी संघ लि. (नेफ्स्कून) चितवन सदस्य सेवा कार्यालयको आयोजनामा ऋण उपसमिती र ऋण विभागमा कार्यरत कर्मचारीका लागि दुई दिवसीय ऋण उपसमतिको क्षमता विकास तालिम बैशाख २५ गते चितवन सदस्य सेवा कार्यालयको सभा हलमा सम्पन्न भएको छ । 

वैशाख २४ र २५ गते सञ्चालन भएको तालिममा सहकारीका ऋण उपसमिती र ऋण बिभागमा कार्यरत कर्मचारीहरुलाई लक्षित गरि आयोजना गरिएको ऋण उप समितिको क्षमता बिकास   तालिममा  विभिन्न बचत तथा ऋण सहकारी संस्थाका सञ्चालक समिति, लेखा सुपरिवेक्षण समिति, ऋण उप समिति र कर्मचारीहरु गरि २९ जनाको सहभागिता रहेको थियो । 

तालिमको समापनमा बोल्दै नेफस्कूनका सञ्चालक गोपाल प्रसाद गौतमले ऋण उप समितिको क्षमता विकास तालिमले सस्थाको ऋण विभागमा कार्यरत व्यक्तिको आगामी दिनहरुमा ऋण लगानीलाई सुरक्षित र प्रभावकारी बनाउने र भविष्यमा आउने ऋण सम्वन्धी कानुनी जटिलता लाई न्युनीकरण गर्ने र ऋणलाई सुरक्षित बनाउने कुरामा जोड दिनु भयो । अहिले बजारमा देखिएको ऋण असुलीको समस्या यस तालिमले आगामी दिनहरुमा कम हँुदै जाने कुराको समेत जानकारी दिनु भयो । तालिमको समापनमा नेफस्कून चितवन सदस्य सेवा कार्यालय व्यवस्थापन उप समिती सदस्य रामशरण सिल्वालको उपस्थिति रहेको  थियो । 
 
तालिमको सहजीकरण  नेफ्स्कूनका तालिम अधिकृत सुमनराज घिमिरेले गर्नुभएको थियो । साथै तालिमको ब्यबस्थापन चितवन सदस्य सेवा कार्यालयले गरेको थियो ।