मकवानपुर । हेटौडा उपमहानगरपालिका ०२, मकवानपुर स्थित नमुना प्रगति बचत तथा ऋण सहकारी संस्था लि. स्क्यान कार्यक्रममा चैत्र २३ गते आबद्ध भएको छ । 

वित्तीय सहकारी संस्थाको मूल दायित्व सदस्यको बचतको सुरक्षा हो । परिवर्तित नियामकीय परिवेशमा सदस्य संस्थाहरुलाई नियामकीय रुपमा अनुकूल बनाउँदै जोखिम मापन विश्लेषण र पृष्ठपोषण मार्फत वित्तीय सहकारीको विश्वसनीयता अभिवृद्धि गर्न संघले सहकारी ऐन २०७४ को दफा २५(ङ) र दफा ९९ बमोजीम ‘स्क्यान’ कार्यक्रम विकास गरी कार्यान्वयनमा ल्याएको हो । 

नमुना प्रगति साकोसका अध्यक्ष मिठाराम दाहाल, व्यवस्थापक बद्री प्रसाद भण्डारी, र नेफ्स्कून मकवानपुर सदस्य सेवा कार्यालयका ईन्चार्ज ज्योति महत, नेफ्स्कून चितवन सदस्य सेवा कार्यालय अनुगमन सहजकर्ता सुरेन्द्र श्रेष्ठको रोहबरमा प्रथम पक्ष संघका सहायक कार्यकारी अधिकृत सदस्य सेवा बिभाग प्रमुख दुर्गा प्रसाद ढकाल र दोस्रो पक्ष साकोसका अध्यक्ष मिठाराम दाहालको हस्ताक्षरमा सम्झौता सम्पन्न भएको थियो ।