बर्दिया। नेपाल बचत तथा ऋण केन्द्रीय सहकारी संघ लि. (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रममा बाँके सदस्य सेवा कार्यालय अन्तरर्गत बारबर्दिया न.पा–२, बर्दियामा रहेको बिहान बचत तथा ऋण सहकारी संस्था लिमिटेड चैत्र १८ गते आबद्ध भएको छ । 

संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो ।

बारबर्दिया नगरपालिका–२ (बर्दिया) स्थित बिहान बचत तथा ऋण सहकारी संस्था लि. का अध्यक्ष अमृत कुमार चौधरी, व्यवस्थापक राम सुन्दर थारु, नेफ्स्कूनको तर्फबाट बाँके सदस्य सेवा कार्यालयका बरिष्ठ सहायक मदन कुमार चन्द तथा अनुगमन सहजकर्ता प्रकाश लुहारको उपस्थितिमा सम्झौता सम्पन्न भएको थियो ।