चितवन । नेपाल बचत तथा ऋण केन्द्रीय सहकारी संघ लि.(नेफस्कून) चितवन सदस्य सेवा कार्यालयको आयोजनामा पुर्वी चितवनमा व्यवसाय प्रर्वद्धनात्मक बैठक तथा अन्तरक्रिया कार्यक्रम चैत्र ०८ गते आईतवार सम्पन्न भएको छ । 

संघका उपाध्यक्ष शान्ति अधिकारी र सञ्चालक सदस्य गोपाल प्रसाद गौतमको उपस्थितिका बीच सञ्चालन भएको कार्यक्रममा पुर्वी चितवनका २७ जना साकोसका व्यवस्थापन प्रमुख सहित ३२ जनाको सहभागीता रहेको  थियो । 

कार्यक्रममा  नेफ्स्कूनका सेवा तथा व्यवसाय ,राष्ट्रिय सहकारी नियमन प्राधिकरणको दर्ता अभिलेखिकरण,कर्जा सुचना केन्द्र,ऋण असुली न्याधिकरणको बारेमा जानकारी तथा कार्यक्रममा उठेका प्रश्नको जवाफ नेफस्कूनका सञ्चालक शान्ति अधिकारी र गोपाल प्रसाद गौतमले दिनुभएको थियो  । 

सञ्चालकहरुले सहकारीका समसामयिक वस्तुस्थिति र सदस्य साकोसको नियमन तथा निरिक्षणको लागी स्तरिकरणको कार्यक्रम संगसगै जोडिएर जानको लागी पनि जोड दिनु भएको थियो ।  कार्यक्रमको सञ्चालन नेफस्कून चितवन सदस्य सेवा कार्यालय प्रमुख यमकला सुवेदीले गर्नु भएको थियो साथै कार्यक्रमको व्यवस्थापन चितवन सदस्य सेवा कार्यालयका कर्मचारी केदार अधिकारी र सन्तोष अधिकारीले गर्नु भएको थियो ।