सुर्खेत । वीरेन्द्रनगर, सुर्खेत स्थित सशक्त शान्ती महिला बिकास बचत तथा ऋण सहकारी संस्था लि. को कार्यालयमा स्क्यान अभिमुखिकरण कार्यक्रम फागुन २७ गते सम्पन्न भएको छ । 

कार्यक्रममा सशक्त शान्ती महिला बिकास साकोसका अध्यक्ष अध्यक्ष कृष्णा कुमारी शाही, उपाध्यक्ष शान्ती खड्का, कोषाध्यक्ष हिमा चन्द, ऋण उपसमिति सदस्य बिमला खत्री, व्यवस्थापक सुमन शाहीको उपस्थीती रहेको थियो । सहजिकरण नेफ्स्कूनका व्यसाय अधिकृत पवनजंग मल्लले स्क्यान कार्यक्रमको बारेमा जानकारी गराउनुका साथै यस कार्यक्रम आवद्धताका लागि आवश्यक पर्ने प्रकृया तथा कार्यक्रममा आवद्धता पश्चात संघ र साकोसको भुमिका बारेमा प्रकाश पार्नुभएको थियो । कार्यक्रममा सदस्य सेवा कार्यालय सुर्खेतका कार्यालय प्रमुख बिष्णुदत्त जोशी सहभागिता रहेको थियो । कार्यक्रम समापनमा साकोसका अध्यक्ष शाहीले कार्यक्रमको विषयमा सकारात्मक धारणा राख्दै आगामी सञ्चालक समितिको बैठकवाट कार्यक्रममा सम्झौता गर्ने प्रतिवद्धता ब्यक्त गर्नुभएको थियो ।

प्रगतिशील महिला बिकास साकोसका अध्यक्ष, व्यवस्थापक तथा कर्मचारीहरुसंग स्क्यान कार्यक्रमलाई निरन्तरता दिनकालागि अन्तरक्रिया तथा छलफल भएको थियो उक्त छलफल पछि संस्थाका तर्फवाट संस्थाका अध्यक्ष जानकी तिमल्सीनाले आगामी सञ्चालक समितिको बैठकवाट निर्णय गरि कार्यक्रमलाई निरन्तरता दिने प्रतिवद्धता ब्यक्त गर्नुभएको छ ।