काठमाडौ । नेफ्स्कूनद्धारा अखण्ड बचत तथा ऋण सहकारी संस्था लि. काठमाडौं नगरपालिका १४, कलंकीको स्क्यान अन्तर्गत पहिलो निरिक्षण स्थलगत सुपरिवेक्षण फागुन १० गते सम्पन्न भएको छ । 

संस्थाको वित्तीय स्वस्थताको परीक्षण, नीति निर्माण र कार्यान्वयनको अवस्था, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको सुपरिवेक्षण  सम्पन्न भएको हो । 

संस्थाका व्यवस्थापक लक्ष्मी प्रसाद सेढाइले नेफ्स्कूनको स्तरीकरण कार्यक्रमको नियमित सुपरिवेक्षणबाट संस्थाको वित्तीय स्वस्थता विकास गर्न, जोखिम न्यूनीकरण गर्न, आन्तरिक सुदृढीकरण र व्यवसायिकता विकास गर्ने उद्देश्यले कार्यक्रममा आवद्ध भएको बताउनुभयो । संस्थाका अध्यक्ष दामोदर लम्सालले कार्यक्रमबाट संस्थाको सुशासन कायम गर्न सदस्यहरुको विश्वास तथा संरक्षणमा सहयोग पुग्ने तथा निरन्तर मार्गदर्शनको अपेक्षा रहेको र हालसम्म संस्था सुधारमा नियमित मार्गदर्शन प्राप्त गरेको तथा संस्थाको निरन्तर विकासमा साकोसको सञ्चालक र व्यवस्थापन सदैव सक्रिय रहने बताउनु भयो । स्थलगत सुपरिवेक्षण नेफ्स्कूनका कार्यक्रम अधिकृत सोविता मैनाली र अनुगमन सहजकर्ता शम्भू घिमिरेले गर्नु भएको थियो ।