पोखरा । नेपाल बचत तथा ऋण केन्द्रीय सहकारी संघ लि.पोखरा सदस्य सेवा कार्यालयको आयोजनामा दुइ दिवसीय ऋण उपसमितिको क्षमता विकास तालिम माघ २३ गते सम्पन्न भएको छ ।
 
पोखरा दिप सागर होटल, पोखराको सभालहमा माघ २२ र २३ गते २६ साकोसका ऋण उपसमिति संयोजक तथा सदस्य÷व्यवस्थापक÷कमचारी गरी  ३६ भन्दा बढीको सहभागीता रहेको थियो । 

कार्यक्रमको अध्यक्षता नेपाल बचत तथा ऋण केन्द्रीय सहकारी संघ लि. का सञ्चालक तथा पोखरा सदस्य सेवा कार्यालय व्यवस्थापन उप समितिका संयोजक कमला देवी गिरीले गर्नुभएको थियो । 

तालिमको औचित्य तथा शुभकामना दिने क्रममा सहकारी सस्थाहरुलाई संघले आवश्यकता र समय सापेक्ष निशुल्क तथा श सुल्क तालिम प्रदान गर्ने गरेकोले तालिमको भरपुर उपभोग गरी प्रयोगमा ल्याउनुपर्नेमा जोड दिनुभएको थियो भने संघको बारेमा विभिन्न सञ्चार माध्यमको भ्रममा नपरी संघको नियमित कारोबार गर्न र संघलाई  हातमा हात मिलाएर अगाडी बढाउनु पर्ने तथा संघले गरेका विभिन्न क्रियाकलापमा सरकारी निकायसंग भएका बहस पैरवीको बारेमा बताउनुभएको थियो । ऋण लगानी गर्दाको बखतमा सुरक्षित लगानी र सुशासनमा रही ऐन नियममा सहकारी संस्थाको नीति तथा कार्यविधि निर्माण गरी कार्य गर्नुहुन समेत अनुरोध गर्नुभएको थियो ।

संघका वरिष्ठ अधिकृत कोमलराज अधिकारीद्धारा सहजीकरण भएको दुई दिनको तालिमको क्रममा ऋण लगानी, प्रकृया, गर्नुपर्ने भुमिका, मुल्याङकन र कार्य गर्दा हुन सक्ने जोखिम र निकारणमा संस्थाले गर्नुपर्ने भुमिकाको विषयमा समुह अभ्यासबाट प्रष्ट पार्नुभएको थियो । तालिममा सहभागीहरुले यस दुई दिनको तालिम समय सापेक्ष भएको र लगानी पुर्व संस्थाहरुले गरेको हेलचक्राईको कारण अहिले दुख पाएको स्वीकार गर्नुभएको र यस विषयमा सजक हुने प्रतिवद्धता समेत समभागीले गर्नुभयो । कार्यक्रम सञ्चालन पोखरा सदस्य सेवा कार्यालय प्रमुख सुरज चालिसेले गर्नुभएको थियोे भने  व्यवस्थापन पोखरा सदस्य सेवा कार्यालयले गरेको थियोे ।