दोलखा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को आयोजना तथा दोलखा जिल्ला बचत तथा ऋण सहकारी संघ लिमिटेडको व्यवस्थापनमा साकोस जोखिम ब्यबस्थापन ३६० कार्याशाला दोलखा चरिकोटमा माघ २० गते सम्पन्न भएको छ । 

कार्यक्रमको अध्यक्षता सदस्य सेवा कार्यालय दोलखाको व्यवस्थापन उपसमितिका सदस्य राजन श्रेष्ठले गर्नुभएको थियो भने प्रमुख अतिथिका रूपमा नेफ्स्कूनका पूर्व सञ्चालक तथा बागमती प्रदेश बचत तथा ऋण सहकारी संघ लिमिटेडका वरिष्ठ उपाध्यक्ष जिवशराज खड्काको उपस्थिति रहेको थियो । 

कार्यक्रममा दोलखा सदस्य सेवा कार्यालयमा व्यवस्थापन उपसमिति सदस्य माधव दाहाल बाल कुमार गिरी दोलखा जिल्ला बचत तथा ऋण सहकारी संघका अध्यक्ष भुमिराज खड्का लेखा संयोजक गोपालध्वज श्रेष्ठ कार्यक्रम अधिकृत राजन सुबेदीले आतिथ्यता गर्नुभएको थियो । 

दोलखा सदस्य सेवा कार्यालय प्रमुख कर्म लामाले सन्चालन गर्नुभएको कार्यक्रममा स्वागत मन्तव्य दोलखा जिल्ला बचत संघका अध्यक्ष भुमिराज खड्काले राख्नु भएको थियो भने सहजीकरण नेफ्स्कूनका बरिष्ठ कार्यक्रम अधिकृत प्रेम नाथ वाग्लेले गर्नुभएको थियो । 

जिवशराज खड्काले नेफ्स्कूनको स्थिरीकरण कार्यक्रमले भबिष्यमा हुन सक्ने जोखिमको पुर्वानुमान गरी जोखिम ब्यबस्थापन गर्न सहयोग गरेको कारण हालको विषम परिस्थितिमा समेत दोलखा जिल्लामा सञ्चालित सहकारी संस्थाहरूमा गम्भीर समस्या नदेखिएको बताउनु भयो ।  उक्त कार्यशालामा ३० वटा सहकारी संस्थाबाट पदाधिकारि र व्यवस्थापक गरी जम्मा ६१ जनाको सहभागिता रहेको थियो । 

कार्यक्रममा सहकारी संस्थाहरुले विभिन्न निकायहरुमा पठाउनुपर्ने प्रतिवेदनहरु, श्रम अडिट, मोबाइल बैकिङ कारोवारमा रहेको जोखिम लगायत नियामकिय अनुकुलन सम्बन्धि छलफलका साथै जोखिम भारित सम्पत्ति र पूजि पर्याप्तता गणना विधि प्रयोगात्मक रुपमा  गणना गर्न कार्यक्रम बरिस्ठ कार्यक्रम अधिकृत प्रेम नाथ बाग्लेले सहजीकरण गर्नुभयो ।