धादिङ । नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहजीकरण तथा ज्वालामुखी गाउँपालिका–६  धादिङ स्थित संगम आयआर्जन बचत तथा ऋण सहकारी संस्था लि. को आयोजनामा सञ्चालक, लेखा तथा अन्य उपसमितिहरूका लागि क्षमता अभिवृद्धि विकास तालिम माघ १७ गते सम्पन्न भएको छ।

सहकारी क्षेत्रको दिगो विकासमा टेवा पुग्ने विश्वासका साथ आयोजना गरिएको उक्त तालिम माघ १६ र १७ गते दुई दिनसम्म सञ्चालन गरिएको थियो । तालिममा सहकारी व्यवस्थापन, लेखा प्रणाली, सुशासन, वित्तीय अनुशासन तथा उपसमितिहरूको भूमिका र जिम्मेवारीका विषयमा सहभागीहरूलाई प्रशिक्षण दिइएको थियो।

तालिम संगम आयआर्जन बचत तथा ऋण सहकारी संस्था लिमिटेड, ज्वालामुखी गाउँपालिका–६, धादिङको आयोजनामा सम्पन्न भएको हो भने नेफस्कून  ले प्राविधिक सहयोग प्रदान गरेको थियो।

२० जनाको सहभागीता रहेको तालिममा सहकारीको परिचय, सञ्चालक समिति तथा लेखा सुपरिवेक्षण समिति सम्वन्धि कानुनी व्यवस्था, सहकारीमा प्रभावकारी व्यवस्थापन तथा रणनितिक कार्यदिशा लगायत विषयमा छलफल भएको थियो ।