लमजुङ । लमजुङको सुन्दरबजार स्थित एभरेष्ट बचत तथा ऋण सहकारी संस्था लि. सग नेपाल बचत तथा ऋण केन्द्रीय सहकारी संघ लि. (नेफ्स्कून) को व्यवसाय बिकास सेवा कार्यक्रममा माघ १२ गते सम्झौता भएको छ ।

व्यवसाय विकास सेवा (BDS) कार्यक्रमले विशेषरूपमा सदस्यका लगानीलाई उत्पादक, व्यावसायिक र नतिजामूलक बनाउँदै सदस्यहरूको जीवन रूपान्तरणमार्फत दिगो रोजगार, आयमा बृद्धि साथै युवाहरूलाई स्वदेशमानै उद्यमी देखि उद्योगी वनाउने कार्यमा जोड दिनेछ । 

सहकारीहरूमा व्यवसाय विकास सेवा कार्यक्रम मार्फत व्यवसाय सेवा डेक्स स्थापना गरेर पाँच आधार (इच्छाशक्ति, स्थान, प्रविधि, पूँजि र बजार) लाई केन्द्रमा राख्दै निरन्तर व्यवसायिक परामर्श, वित्तीय पहुँच र बजार सञ्जालमा प्राविधिक सहजीकरण दिई सहकारीका सदस्यहरूलाई दिगो र सफल उद्यमी वनाउन सङ्घले यो कार्यक्रम सञ्चालन गरिरहेको छ । 

सम्झौतामा साकोसको तर्फबाट बाट व्यवस्थापक ज्ञान बहादुर नेपाली र साकोसका अध्यक्ष राम बावु श्रेष्ठ लगायत उपाध्यक्ष, सचिब, कोषाध्यक्ष र संचालक सदस्यहरुको उपस्थिती रहेको थियो भने संघको तर्फबाट बरिष्ठ अधिकृत नबिन राज दाहाल , कार्यक्रम अधिकृत राधा पौडेल र नेफ्स्कून लमजुङ सदस्य सेवा केन्द्र प्रमुख सन्देश घिमिरेको सहभागीता भएको थियो ।