काठमाण्डौ । काठमाडौं महानगरपालिका २३, ओमवहाल स्थित कदर बचत तथा ऋण सहकारी सस्था लि. नेपाल बचत तथा ऋण केन्द्रीय सहकारी संघ लि. (नेफ्स्कून) को नियमित निरिक्षण तथा अनुगमन कार्यक्रम स्क्यानमा माघ ६ गते आबद्ध भएको छ । 

विगतमा कब्र्स कार्यक्रममा अभ्यासरत रहेको उक्त साकोसमा नेफ्स्कूनको तर्फबाट कार्यक्रम अधिकृत सन्दिपराज ढकाल स्थलगत भ्रमण गरी साकोसको तर्फबाट प्रबन्धक बलराम डंगोल, कोषाध्यक्ष होम बहादुर श्रेष्ठ र लेखा सुपरिवेक्षण समिति संयोजक अर्जुन महर्जनको रोहवरमा स्क्यान सम्झौता सम्पन्न भएको हो । 

सहकारी ऐन, २०७४ को दफा २५ र दफा ९९ ले प्रदान गरेको कानुनी आधारअनुसार सम्पन्न सम्झौतामार्फत सहकारी संस्थाहरूले जोखिम व्यवस्थापन, वित्तीय विश्लेषण, गुणस्तरीय सेवा अभिवृद्धि तथा संस्थागत पृष्ठपोषणलाई प्राथमिक कार्यक्षेत्रका रूपमा अघि बढाउने व्यवस्था गरिएको छ।

स्क्यान कार्यक्रमले संस्थामा सृजना हुने वित्तिय जोखिम ,कानुनी जोखिम, सञ्चालन तथा सुशासन जोखिम ,ऋण जोखिम, तरलता जोखिम र बजार जोखिम न्यूनिकरणमा योगदान गर्नुको साथै सुरक्षित संस्थाको प्रात्याभूती हुने आवद्धता संगै  संस्थाको नियमित निरिक्षण अनुगमन कार्य बाट संस्थाको उचाई वृद्धिहुने अपेक्षा साकोसको रहेको छ । 

समुदायमा आधारित ७८० जना सदस्यविच १३ करोडको कारोबार रहेको उक्त संस्थाको संस्थागत पूँजी १० प्रतिशत भन्दा माथि रहेको छ ।