पोखरा । नेपाल बचत तथा ऋण केन्द्रीय सहकारी संघ लि. (नेफ्स्कून) पोखरा सदस्य सेवा कार्यालयको आयोजनामा राष्ट्रिय सहकारी नियमन प्राधिकरण सम्बन्धी दर्ता तथा अभिलेखीकरण कार्यक्रम पोखरामा नेफ्स्कूनका सञ्चालक कमलादेवी गिरीको अध्यक्षतामा पौष २८ गते सम्पन्न भएको छ ।  

कार्यक्रममा कास्की, तनहुँ र स्याङ्जा जिल्लाका ६३ वटा सहकारी संस्थाबाट ६३ जना प्रतिनिधिहरूको सहभागिता रहेको थियो । कार्यक्रममा सहकारी संस्थाहरूलाई राष्ट्रिय सहकारी नियमन प्राधिकरणमा दर्ता तथा अभिलेखीकरण प्रक्रिया सम्बन्धी आवश्यक जानकारी प्रदान गरिएको थियो ।

कार्यक्रमको सहजिकरण नेफ्स्कून सदस्य सेवा पोखराका प्रमुख सुरज चालिसेले गर्नुभएको थियो । दर्ता प्रक्रियाको महत्व, आवश्यक कागजात, र अभिलेखीकरण गर्दा ध्यान दिनुपर्ने विषयहरूबारे प्रष्ट पार्नुभएको थियो ।

कार्यक्रमको व्यवस्थापन पोखरा सदस्य सेवा कार्यदलले गरेको थियो भने कार्यक्रमले सहकारी संस्थाहरूलाई नियमनको दायराभित्र ल्याउन तथा सहकारी क्षेत्रलाई सुदृढ बनाउन महत्वपूर्ण योगदान पु¥याउने अपेक्षा गरिएको छ ।