काठमाडौँ । नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजनामा “ऋण उपसमितिको क्षमता विकास तालिम”  पौष २४ गते बिहीबार काठमाडौँको नयाँ बानेश्वरमा सम्पन्न भएको छ।

सहकारी संघ–संस्थामा कार्यरत ऋण उपसमितिका सदस्यहरूको क्षमता अभिवृद्धि गर्ने उद्देश्यले आयोजना गरिएको तालिममा ऋण नीति तथा प्रक्रिया, कानुनी व्यवस्था, ऋण लगानीका आधारभूत सिद्धान्त, ऋण जोखिम व्यवस्थापन, ऋण वर्गीकरण, पोर्टफोलियो व्यवस्थापन, ऋण सदुपयोगिता अनुगमन तथा धितो मूल्यांकनसम्बन्धी विषयहरूमा प्रशिक्षण भएको थियो।

तीनवटा सत्रमा सञ्चालन भएको तालिमको पहिलो सत्रमा नेफ्स्कूनका कानुनी परामर्शकर्ता शिव अधिकारीले ऋण नीति,प्रक्रिया,कागजात,र प्रतिवेदनका बारेमा ऋण,ऋणी, साक्षी र जमानी सम्बन्धी कानूनी व्यवस्था, ऋण लगानीका आधारभूत सिद्धान्त, ऋण लगानी प्रक्रिया र कागजात, ऋण उपसमितिको भुमिका र प्रतिवेदनका बारेमा प्रशिक्षण गर्नु भएको थियो । नेफ्स्कून प्राचार्य बल्लभ तिमल्सिनाले ऋणको पुर्व विश्लेषणका बारेमा छअ को विश्लेषण गर्नुभएको थियो भने धितो मूल्यांकनकर्ता तथा प्रशिक्षक रण माकले धितो मुल्यांकन तर्फ धितो मुल्यांकनका आधारहरु तथा विधि,धितो मुल्यांकनमा हेर्नु पर्ने आवश्यक कागजातका बारेमा सकजीकरण गर्नु भएको थियो । 

५० भन्दा बढी सहभागी रहेको तालिमप्रति सहभागीहरूले प्रस्तुत विषयवस्तु अत्यन्त उपयोगी र व्यवहारिक रहेको प्रतिक्रिया दिएका छन्। सहभागीहरूका अनुसार तालिमले सहकारी क्षेत्रमा ऋण प्रवाह तथा व्यवस्थापन प्रक्रियालाई अझ प्रभावकारी, पारदर्शी र सुरक्षित बनाउन महत्वपूर्ण योगदान पुर्‍याउने विश्वास व्यक्त गरेका छन्।