दोलखा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी संस्थाहरूको जोखिम न्यूनीकरण, सुशासन र दिगोपना अभिवृद्धिका लागि सञ्चालन गरेको सुशासन र वित्तीय अनुशासन प्रबर्धन कार्यक्रम अन्तर्गत कालिनाग तथा ऋण सहकारी संस्था लि., कालिन्चोक गाउँपालिका ८, सुनखानि, दोलखामा स्थलगत सुपरिवेक्षण पौष १८ गते सम्पन्न गरेको छ।

सुपरिवेक्षण कार्यक्रमको मुख्य उद्देश्य संस्थाको स्तरीकरण र सञ्चालन प्रक्रियालाई थप व्यवस्थित बनाउनु रहेको छ। नेफ्स्कूनका कार्यक्रम अधिकृत राजन सुबेदीले स्थलगत अनुगमनका क्रममा नेफ्स्कून ःक्ष्क् प्रणाली, कार्यालय व्यवस्थापन, सम्पत्ति तथा दायित्व व्यवस्थापन, साधारण सभा व्यवस्थापन र प्राधिकरणमा दर्ता सम्बन्धी विषयमा छलफल गर्नु भएको थियो।

सो अवसरमा सुबेदीले संस्थालाई अझ सुरक्षित र सदस्यमैत्री बनाउन सुधारका उपायहरू सुझाउनु भएको थियो। संस्थाले पनि यी सुझावहरूलाई क्रमशः कार्यान्वयन गर्ने प्रतिबद्धता जनाएको छ।