काठमाडौं । आयाम बचत तथा ऋण सहकारी संस्था लि. चन्द्रागिरी थानकोटको अयोजना र नेपाल बचत तथा ऋण केन्द्रीय सहकारी सघं लिमिटेड (नेफ्स्कून) को प्राविधिक सहयोगमा आयाम साकोसका नवनिर्वाचित सञ्चालक समिति, लेखा सुपरिवेक्षण समिति, उपसमिति र व्यवस्थापनलाई यही पौष १८ र १९ गते दुई दिने नेतृत्व क्षमता विकास तालिम रोयल भिल्ला रिर्सोट बुढानिलकण्ठमा सम्पन्न भएको छ । 

नवनिर्वाचित सञ्चालक समिति र लेखा सुपरिवेक्षण समितिलाई लक्षित गरी सञ्चालन गरिएको तालिममा समिति, उपसमित र उच्च व्यवस्थापन गरी १४ जनाको सहभागिता रहेको थियो । संस्थाका अध्यक्ष राममान गोपालीको अध्यक्षतामा सञ्चालन भएको तालिमको सहजिकरण नेफ्स्कूनका वरिष्ठ अधिकृत कोमल राज अधिकारीले गर्नुभएको थियो ।

दुई दिनसम्म सञ्चालन भएको तालिममा सहकारीको अवधारणा, मुल्या, मान्यता र सिद्धान्तहरुको व्यवहारिक प्रयोग, साकोसमा समिति, उपसमिति र व्यवस्थापनको भुमिका, समितिको जिम्मेवारी , साकोसमा शुसासन अभ्यास , रणनीतिक व्यवसायिक योजनाको महत्व तथा आवस्यकता, क्षमतामा आधारित ऋण लगानी अभ्यास, भाखा नाघेको ऋण व्यवस्थापन र समसामयिक कानुनी प्रावधानहरुको विषयमा घटना अध्ययनका अभ्यास, प्रश्नोउत्तर, प्रस्तुतिकरणको माध्यमबाट सहजिकरण गरिएको थियो ।
  
तालिम समापन कार्यक्रममा तालिममा सहभागिहरुले तालिम निकै व्यवाहारिक रहेको हालको अवस्थामा सहकारीहरुमा देखिएको समस्या समाधानका लागि तालिममा सिकेको कुराहरु व्यवहारमा कार्यन्वयन गर्दा संस्थागत दिगोपना, र जोखिम न्यूनिकरण गर्दै संस्था सञ्चालन गर्न सकिने कुरा बुझिएको र सोही वमोजिम संस्थामा कार्यान्यवन गर्दै संस्थालाई व्यवस्थित र जोखिम रहित तरिकाबाट सञ्चालन गर्ने प्रतिबद्धता समेत जाहेर गर्नुभएको थियो भने तालिम व्यवस्थापन संस्थाको व्यवस्थापक लेमन श्रेष्ठ लगायतको व्यवस्थापन समुहले गरेको थियो ।