मकवानपुर । नेपाल बचत तथा ऋण केन्द्रयि सहकारी संघ लि. नेफ्स्कुनबाट महिला कल्याण साकोस मकवानपुर गढी गाँउपालिका ५ धादिंग मकवानपुरको स्कयान अन्र्तगत पहिलो निरिक्षण तथा प्रोवेसन स्थलगत सुपरिवेक्षण पौष १६ गते सम्पन्न भएको छ । 

स्थलगतका क्रममा संस्थाको वित्तिय अवस्था, नीतिगत अवस्था तथा कार्यान्वयन, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको सुपरिवेक्षण  सम्पन्न गरिएको हो । संस्थाको व्यवस्थापक मेनुका कुमारी न्यौपानेले नेप्स्कुनको स्तरीकरण कार्यक्रमको नियमित सुपरिवेक्षणबाट संस्थाको वित्तीय स्वस्थता कायम गर्न, जोखिम न्यूनीकरण गर्न, आन्तरिक सुदृढीकरण र व्यवसायिकतामा सहयोग पुगेको पाइयो ।

स्थलगत सुपरिवेक्षणका क्रममा संस्थाका अध्यक्ष पार्वती फूयाँल यस कार्यक्रमबाट संस्थाको सुशासन कायम गर्न सदस्यहरुको विश्वास तथा संरक्षणमा सहयोग पुगेको तथा निरन्तर सुपरिवेक्षण र मार्गदर्शनको अपेक्षा गरेको बताउनभयो । नेफ्स्कूनको नियमित सुपरिवेक्षणबाट हालम्म संस्था सुधारमा नियमित मार्गदर्शन प्राप्त गरेको तथा संस्थाको निरन्तर विकासमा साकोसको सञ्चालक र व्यवस्थापन टीम सक्रिय रहने बताउनु भयको थियो । स्क्यान तथा प्रोवेसनको स्थलगत सुपरिवेक्षण कार्यक्रम अधिकृत सोविता मैनाली र अनुगमन सहजकर्ता सुरेन्द्र श्रेष्ठले गर्नु भएको थियो ।