सुनसरी । सुनसरी स्थित समन्वय बचत तथा ऋण सहकारी संस्था लिमिटेड, खनारको नेपाल बचत तथा ऋण केन्द्रीय सहकारी संघ लि. (नेफ्स्कून) ले नियमित निरिक्षण अनुगमन कार्यक्रम (स्क्यान) अन्तर्गत स्थलगत  सुपरिवेक्षण मंसिर २५ गते सम्पन्न गरेको छ । 

नेफ्स्कूनले आफ्ना सदस्य संघ संस्थाहरुको गुणस्तर मापन गर्ने उद्धेश्यले स्क्यान कार्यक्रमको सुरुवात गरेको हो । स्क्यान कार्यक्रममा संस्थाको वित्तीय विवरण,शुसासनको अवस्था, कानूनी परिपालना र जोखीम को स्तर मापन गरी स्क्यान मार्फत सुपरिवेक्षण गरिरहेको छ । सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा जोड दिनेछ।

प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विष्लेषण गरी जोखिम न्यूनिकरणका उपायको खोजि गर्नु सुपरिवेक्षणको मुख्य उद्देश्य रहेको छ । सुनसरी स्थित समुदायमा आधारित २९ वटा समुह रहेको समन्वय बचत तथा ऋण सहकारी संस्था लिमिटेडको स्थलगत सुपरिवेक्षण गरि साकोसका सुधार गर्ने पक्षका बिषयहरुमा स्क्यान कार्यदलसंग बसि संस्थागत बिकासका लागि सम्पूर्ण संचालक समिति, लेखा सुपेरिवेक्षण समिति र कर्मचारीको बुझाईमा एकरुपता ल्याई अगाडि बढ्नुपर्ने सुझाव प्रदान गरिएकोमा साकोसका ब्यवस्थापक पलहत शाहले संघले दिएको सुझाव अक्षरस पालना गर्ने प्रतिबद्धता गर्नुभयो । साकोसका तर्फबाट कार्यदल संयोजक, सदस्यहरु र ब्यवस्थापनका कर्मचारीहरुका साथै नेफ्स्कूनका तर्फबाट कार्यक्रम अधिकृत मुकेश दाहाल र सहजकर्ता बिन्दा भट्टराईको उपस्थितिमा छलफल भएको थियो ।