चितवन । नेपाल बचत तथा ऋण केन्द्रीय सहकारी संघ लि. (नेफ्स्कून) को स्क्यान कार्यक्रममा  चितवनका दुई साकोस मंसिर २२ गते आबद्ध भएका छन् । 

सहकारी ऐन २०७४ को दफा ९९ मा व्यवस्था भए बमोजिम संघद्धारा यो कार्यक्रमको शुरुवात गरिएको हो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । 

नेफ्स्कूनको स्क्यान कार्यक्रमले संस्थामा सृजना हुने  वित्तिय जोखिम ,कानुनी जोखिम, सञ्चालन तथा सुशासन जोखिम ,ऋण जोखिम, तरलता जोखिम र बजार जोखिम न्यूनिकरणमा योगदान गर्नुको साथै सुरक्षित संस्थाको प्रत्याभूती हुनेछ ।

किसान बचत तथा ऋण सहकारी संस्था लि. गैंडाकोट नगरपालिका ०८,नवलपरासीका प्रमुख कार्यकारी अधिकृत सन्जय राज तिमल्सिना,विभागिय प्रमुख अर्जुन प्रसाद पौडेल,सागर क्षेत्री र नेफ्स्कूनका तर्फबाट व्यवसाय अधिकृत यमकला सुवेदी,वरिष्ठ सहायक केदारनाथ अधिकारी, र सहायक सन्तोष अधिकारीको उपस्थितिमा सम्झौता सम्पन्न भएको थियो । 

चितवन औद्योगिक विकास बचत तथा ऋण सहकारी संस्था लि.भरतपुर महानगरपालिका १०,चितवनका अध्यक्ष मदन घिमिरे,प्रमुख कार्यकारी अधिकृत गणेश प्रसाद सिलवाल,व्यवस्थापक प्रमिला थापा र नेफ्स्कूनका तर्फबाट व्यवसाय अधिकृत यमकला सुवेदी,वरिष्ठ सहायक केदारनाथ अधिकारी, र सहायक सन्तोष अधिकारीको उपस्थितिमा सम्झौता सम्पन्न भएको थियो ।