सुनसरी । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को स्क्यान कार्यक्रममा बर्जु, अमाही बेल्हा, सुनसरी स्थित प्रगति बचत तथा ऋण सहकारी संस्था लिमिटेडले मंसिर २२ गते आबद्धता जनाएको छ । सहकारी ऐन २०७४ को दफा ९९ मा व्यवस्था भए बमोजिम संघद्धारा यो कार्यक्रमको शुरुवात गरिएको हो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । 

समुदायमा आधारित प्रगति साकोसमा कूल सदस्य ३०५७ र यस साकोसको कार्यक्षेत्र बर्जु देबानगंज र गढी गांउपालिकाका सबै वडाहरु रहेको छ । यस साकोसको संस्थागत पूँजी २५ प्रतिशत छ । साकोसले २०औं साधारणसभा सम्पन्न गरिसकेको छ । संघको प्रोवेसन कार्यक्रम हुंदै एक्सेसमा अभ्यासरत साकोस आजबाट संघले हालै संचालनमा ल्याएको स्क्यान कार्यक्रममा संस्थाका अध्यक्ष चन्दनकुमार चौधरी, कोषध्यक्ष दयानन्द चौधरी, साकोसका कार्यकारी प्रमुख उमेश कुमार चौधरी, ब्यवस्थापक श्रवण कुमार चौधरी र ब्यवस्थापनका कर्मचारी  नेफ्स्कूनका तर्फबाट कार्यक्रम अधिकृत मुकेश दाहाल बिच आबद्धताको सम्झौता सम्पन्न भएको छ ।

सहकारीहरूलाई राज्य तथा नियामक निकायले समय समयमा जारि गरेका निर्देशिका, परिपत्र, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ।