गोर्खा । सनराईज बचत तथा ऋण सहकारी संस्था लि. आरुघाट ९ गोर्खा, नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रममा मंसिर  १२ गते आबद्व भएको  छ।   

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन गर्ने लक्ष्य राखेको छ ।  

सनराईज  बचत तथा ऋण सहकारी संस्था लिमिटेडका व्यवस्थापक सशि श्रेष्ठ र मधुर नेपालि संघबाट कार्यक्रम अधिकृत सोविता मैनाली र धादिङ  सदस्य सेवा कार्यालयका ईन्चार्ज विक्रम रिमालको उपस्थितिमा सम्झौता सम्पन्न भएको थियो ।