काठमाडौं । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले बावियार्खक साकोसको एक्सेस कार्यक्रम अन्तर्गत नियमित स्थलगत सुपरिवेक्षण मंसिर ४ गते सम्पन्न गरेको छ । नेफ्स्कूनले हालै विकास गरेको नियमित अनुगमन तथा निरिक्षण स्क्यान कार्यक्रमको जानकारी  विश्लेषण समेत स्थलगतका क्रममा सम्पन्न भएको छ । 

संस्थाका अध्यक्ष तारा प्रसाद घिमिरे, लेखा समिति संयोजक तीर्थराज घिमिरे, प्रमुख कार्यकारी अधिकृत  बलदेव कुमार पौड्याल सहित ऋण, लेखा शाखाका कर्मचारीहरुको सहभागितामा एक्सेस तथा स्क्यान कार्यक्रमको स्थलगत सुपरिवेक्षण सम्पन्न भएको हो । संस्थाको अध्यक्ष तारा प्रसाद घिमिरेले एक्सेस तथा स्क्यान कार्यक्रम एकीकृत रुपमा कार्यान्वयनमा आएको संस्थाको अवस्था पहिचान गर्न तथा सुधार गर्न साथै हालका नियामकीय व्यवस्था बमोजिम प्राविधिक व्यवस्थापन गर्न सहज भएको बताउनु भयो ।

सुपरिवेक्षणका क्रममा प्राप्त सुझावबाट संस्थाको गुणस्तर कायम गर्दै, सदस्य सन्तुष्टि,नीति निर्माण, सुशासन व्यवस्थापनमा सहयोग मिलेको तथा अझै निरन्तर स्थलगत र गैर स्थलगत सुपरिवेक्षण गरी मार्गदर्शनको अपेक्षा रहेको र सो कार्यान्वयनमा बावियार्खक साकोस प्रतिवद्ध रहेको व्यवस्थापकले बताउनुभयो । सुपरिवेक्षण नेफ्स्कूनका कार्यक्रम अधिकृत दीपक अर्याल र सोविता मैनालीले गर्नुभएको थियो ।