सिन्धुली । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले स्क्यान कार्यक्रम अन्तर्गत  कमलामाई नगरपालिका ६, धुरा बजार स्थित मिलिजुली  बचत तथा ऋण सहकारी संस्था लिमिटेडको स्थलगत सुपरिवेक्षण मंसिर ४ गते सम्पन्न गरेको छ ।

नेफ्स्कूनद्वारा सहकारी संस्थाहरुको जोखिम न्यूनीकरण, सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत सुपरिवेक्षण प्रभाबकारी रुपमा अघि बढाएको हो  । 

मिलिजुली साकोस संघको प्रोवेशन कार्यक्रममा आवद्ध छ । स्तरीकरणका लागि कार्यालय व्यवस्थापन,शेयर र बचत व्यवस्थापन, नियामकिय व्यवस्था परिपालना र  ऋण जोखिम व्यवस्थापन लगायत समग्र समसामयिक आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो । संस्थामा हाल ५३२९ जना सदस्य, कुल बचत ३४ करोड २० लाख,  कुल ऋण लगानी ३६ करोड ६३ लाख र कुल सम्पत्ति ४५ करोड ३६ लाख रहेको छ ।

नेफ्स्कून कार्यक्रम अधिकृत सुमनराज घिमिरेद्धारा सहजिकरण गरि संस्थाको सञ्चालक र उच्च ब्यबस्थापन समक्ष छलफल गरि सुधार योजना बनाई  कार्यान्वयन गर्ने प्रतिबद्धता व्यक्त भएको छ  ।