धादिङ । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को आयोजनामा एक दिवशीय पूँजी पर्याप्तता बिश्लेषण तालिम मङ्सिर ०२ गते सम्पन्न भएको छ ।

सहकारी संस्थाको हितका लागि र संस्था बचाइराख्न समयमा प्रतिवेदन पठाउनको लागि सहजिकरण हुने बचत तथा ऋणको विषयमा पोख्त बनाएर आर्थिक समृद्धिका लागि साथै सदस्यहरुको जीवन शैलीमा परिवर्तन ल्याउन यस तालिमको आयोजना गरिएको हो । 

संघका सञ्चालक नवराज अर्यालको अध्यक्षतामा सम्पन्न कार्यक्रममा नेफ्स्कून सँग ढुक्क सँग कारोबार गर्न संस्थाहरुलाई आवहान गर्दै  बजार जोखिम र सञ्चालनलाई ध्यान दिनुपर्ने सहकारीमा पूँजीकोषको पर्याप्तता सम्बन्धी कानुनी व्यवस्था आदिका बारेमा र नेफ्स्कूनले समयसापेक्षित रुपमा परिवर्तित ऐन कानुन मापदण्डले सहकारी संस्थाहरुलाई पर्न सक्ने नकरात्मक असरहरुको बिषयमा निरन्तर बहस पैरबीको रुपमा कार्य गर्दै आएको कुरा प्रष्ट पार्नुभएको थियो । साथै स्क्यान कार्यक्रममा अनिवार्य आवद्घताको लागि संस्थाहरुलाई आवहान गर्नुभएको थियो । कलंकि सदस्य सेवा कार्यालयका इन्चार्ज मनोज कार्किले सहभागीहरुलाई स्वागत मन्तव्य सहित स्वागत गर्नुभएको थियो ।

विभिन्न संस्थाबाट ३० भन्दा बढीको सहभागिता रहेको कार्यक्रमको सञ्चालन धादिङ सदस्य सेवा कार्यालयका  इन्चार्ज बिक्रम रिमालले गर्नुभएको थियो ।