रामेछाप । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले साहारा  बचत तथा ऋण सहकारी संस्था लिमिटेड मन्थली न.पा.१, रामेछापको स्क्यान कार्यक्रम अन्तर्गत  स्थलगत सुपरिवेक्षण मंसिर २ गते सम्पन्न गरेको छ ।

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो । यस संस्था प्रोवेशन कार्यक्रममा आवद्ध छ । संस्थाको स्तरीकरणका लागि नियामकिय व्यवस्था कार्यान्वयन, कार्यालय व्यवस्थापन, वित्तीय व्यवस्थापन लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो ।

नेफ्स्कून कार्यक्रम अधिकृत सुमनराज घिमिरेद्धारा सहजिकरण भएको सुपरिवेक्षणमा संस्थाका अध्यक्ष शिवराज श्रेष्ठ कार्यदल संयोजक तिलक कार्कि लगायत सञ्चालक र उच्च ब्यबस्थापन समक्ष छलफल गरि सुधारउन्मुख हुँदै जाने प्रतिबद्धता व्यक्त भएको छ  ।