सदस्यहरुका लागि सहकारी शिक्षा सहित सुन्दर अमरगढी बचत तथा ऋण सहकारी संस्था लिमिटेडको एकीकरण पश्चातको चौथो  बार्षिक साधारणसभा कार्तिक २९ गते सम्पन्न भएको छ । 

संस्थाका अध्यक्ष तेज बहादुर ऐरको अध्यक्षतामा भएको साधारण सभामा स्वागत मन्तव्य संस्थाका निमित्त उपाध्यक्ष भवानी अवस्थीले र कार्यक्रम संचालन संस्थाका सचिब प्रेम बहादुर महरले गर्नुभएको थियो । सहकारीका अध्यक्ष ऐरले सहकारीको नियमितताका लागी धेरै चुनौतीहरु रहेको बताउनु भयो । उहाँले व्यवसायीकरणमा ऋण लगानी नहुँदा असुलीमा अफ्ठ्यारो हुनु, ऋणी सदस्यहरुलाई व्यवसायीकरण गराउन नसक्नु, एकै सदस्य धेरै सहकारीहरुमा आवद्ध हुनु लगायतका मुख्य चुनौतीहरु सहकारीमा रहेको बताए । उनका चालु आर्थिक वर्षसम्म यस्ता समस्याहरु सहकारीमा देखिएपनि आगामी दिनमा कम हुने बताए । संस्थालाई माथी उकास्न कर्मचारीहरुको भुमिका महत्वपुर्ण हुने भएकाले आगामी दिनहरुमा तालीम तथा गोष्ठीको आयोजना गरी कर्मचारीहरुको क्षमता अभिवृद्धि गरिने बताउनु भएको थियो  ।

साधारणसभामा सदस्यहरूका लागि सहकारी शिक्षा कार्यक्रम समेत समावेश गरिएको थियो । कार्यक्रममा सहकारीको परिचय र उद्देश्य,सहकारीको मूल सिद्धान्त, लक्ष्य र महत्व, सहकारीका सिद्धान्तहरू,सदस्यहरूको अधिकार र कर्तव्य,नियम पालन र जिम्मेवारी, बचत तथा ऋण सम्वन्धी जानकारी,ऋण लिँदा ध्यान दिनुपर्ने कुराहरू र  गलत लगानीबाट जोगिने उपाय जस्ता बिषय बस्तुमा केन्दित भएर प्रतुतिकरण गरिएको थियो । उक्त सहकारी शिक्षा कार्यक्रमलाई नेफ्स्कूनका डडेल्धुरा सेवा केन्द्र ईन्चार्ज योगेश बोहराले सहजिकरण गर्नु भएको थियो ।
संस्थामा आर्थिक वर्ष २०८१।०८२ मा १ हजार ३ सय ४४ शेयर सदस्यहरु र करिब १ करोड ६४ शेयर पूँजी रहेको प्रतिवदेनमा उल्लेख गरिएको छ । सहकारीको आर्थिक वर्ष २०८१।०८२ को असार मसान्त सम्म १० करोड भन्दा बढी कुल सम्पत्ती रहेको छ र संस्थाले गत आ व मा ३० लाख ६८ हजार ३ सय ४० पैसा १४ रुपैया खुद नाफा आर्जन गर्न सफल भएको थियो ।

संस्थाको एकीकरण पश्चातको चौथो वार्षिक साधारण सभामा आर्थिक प्रतिवेदन प्रस्तुत गर्दै संस्थाका सचिब प्रेम महरले संस्थाले आर्थिक क्षेत्रमा गरेको कारोबार र प्रगतीका बारेमा जानकारी दिएका हुन । संस्थाले उक्त आर्थिक वर्षमा ५ करोड ६४ लाख ९४ हजार ६ सय २९ पैसा ७५ बचत गरेको संस्थाको प्रतिवेदनमा उल्लेख गरिएको छ । प्रतिवेदन अनुसार संस्थाले उक्त आर्थिक वर्षमा ८ करोड २० लाख ३६ हजार १ सय १५ पैसा ४१  रुपैया ऋण लगानी गरेको बताउनु भयो । 

संस्थाको वार्षिक प्रतिवेदन, वित्तीय विवरण, लेखापरीक्षण प्रतिवेदन तथा आगामी वर्षका योजनाहरू प्रस्तुत गरिएका थिए । सदस्यहरूले सहकारीको पारदर्शिता, सेवा गुणस्तर र जिम्मेवार सञ्चालनका विषयमा सुझाव तथा विचार व्यक्त गर्नुभएको थियो । संस्थाका पदाधिकारीहरूले एकीकरणपछि सहकारीको सेवा दायरा, आर्थिक गतिविधि र संस्थागत क्षमता थप मजबुत हुँदै गएको जानकारी दिए। साथै, आगामी वर्षहरूमा सदस्यमुखी कार्यक्रम, प्राविधिक सुधार र समुदाय विकासमा केन्द्रित भएर अघि बढ्ने प्रतिबद्धता व्यक्त गरिएको थियो । साधारणसभा अनुशासित, सहभागीमूलक र सफल रूपमा सम्पन्न भएको संस्थाका प्रबन्धक  तुलाराम पनेरुले जनाएका छन ।