सुनसरी । नेपाल बचत तथा ऋण केन्द्रीय सहकारी संघ लिमिटेड नेफ्स्कून द्वारा किसान कल्याण बचत तथा ऋण सहकारी संस्था लिमिटेड,सुनसरीको स्थलगत सुपरिवेक्षण कार्तिक २१ गते बाट शुरु भई  २२ गते  सम्पन्न भएको छ ।

नेफ्स्कूनले सहकारी संस्थाहरूमा सुशासन र दिगोपनाको प्रर्बधन गर्ने उद्देश्यले बचत तथा ऋण सहकारीहरूको स्थलगत सुपरिवेक्षण कार्यलाई  निरन्तरता दिएको छ। सदस्यहरुको आर्थिक बिकास, शुसासन प्रत्याभुति र बचतकर्ताको बिश्वासको वातावरण श्रृजना गर्दै राज्य र नियमन निकायहरुसंग सहकार्य र समन्वय गरि  बिभिन्न समयमा जारि नीति,निर्देशिका र कार्यबिधिका बारेमा साकोसहरुलाई सुशूचित गर्ने उद्धेश्यले स्क्यान कार्यक्रम मार्फत साकोसलाई अनुशासित र वित्तीय सुब्यवस्थित बनाउने कार्यमा अभियान निरन्तर क्रियाशिल छ।अनुगमनका क्रममा स्क्यानका सूचकहरुमा अभ्यास गराई साकोसको अवस्था बिश्लेषण गरिएको र वित्तीय जोखिम बिश्लेषण सम्बन्धि जानकारी र  भाखा नाघेका ऋण अशुलिमा कानूनि प्रकृयाका बिषयमा सुधारात्मक सुझावहरू प्रदान गरियो ।

संघका तर्फबाट अनुगमन अधिकृत मुकेश दाहालले स्थलगत रुपमा अनुगमन गर्नु भएको थियो । संस्थाको तर्फबाट यस कार्यक्रमा एक्सेस कार्यदल संयोजक महेश कुमार रेग्मी, सदस्यहरु क्रमशः यादब प्रसाद सिग्देल का साथै उपाध्यक्ष नरेन्द्र कुमार श्रेष्ठ र प्रमुख कार्यकारी अधिकृत पुस्कर बस्नेतका सहित ब्यवस्थापन कर्मचारीहरुको उपस्थिति रहेको थियो ।  साकोसको स्थलगत अनुगमन पश्चात पल्सको मापदण्ड अनुरुप अधिकांश सूचकहरुको यथा अवस्थालाई निरन्तरता दिने  प्रतिबद्धता ब्यक्त भएको थियो ।