चितवन । नेपाल बचत तथा ऋण केन्द्रीय सहकारी सघं लि. (नेफ्स्कून) चितवन सदस्य सेवा कार्यालयको आयोजनामा एक दिवशीय पूँजी पर्याप्तता बिश्लेषण तालिम कार्तिक १९ गते सम्पन्न भएको छ ।

तालिमको समापन कार्यक्रमको अध्यक्षता नेफ्स्कून सञ्चांलक गोपाल प्रसाद गौतमले गर्नुभएको थियो वहाँले साकोसहरुलाई स्वनियमन तथा प्राधिकरणले जारी गरेका निर्देशन र मापदण्ड पालना गर्नपर्ने र नेफस्कूनद्धारा बिकास गरीएको नियमाीत निरीक्षण अनुगमन कार्यक्रममा सहभागी भएर साकोस सचांलन गर्न आग्रह गर्नुभएको थियो । 

सदस्य सेवा कार्यालय व्यवस्थापन उपसमिती सदस्य तेजेन्द्र बहादुर खड्काको पनि उपस्थिति रहेको थियो वहाँले साकोसहरुलाई स्वनियमनमा बस्नुपर्ने बताउँनु भएको थियो । कार्यक्रमको सहजीकरण नेफ्स्कूनका प्रार्चाय बल्लभ तिमील्सीनाले गर्नुभएको थियो भने संचांलन चितवन सदस्य सेवा कार्यालय ईन्चार्ज यमकला सुबेदीले गर्नुभएको थियो ।

तालिममा बिभिन्न साकोसबाट ३५ जना भन्दा बढीको  सहभागीता रहेको थियो । तालिमको समिक्षामा प्रभात दिदिबहिनी साकोसका व्यवस्थापक रबिना श्रेष्ठले तालिमले आफुलाई यस बिषयमा प्रष्ट भएको जानकारी दिँदै तालिम अत्यावश्यक र महत्वपुर्ण रहेको बताउनुभएको थियो ।  तालिमले पूँजी पर्याप्तता सम्बन्धी विषयमा स्पष्टता ल्याएको छ।