जेन जी आन्दोलनको क्रममा जलेको अभिलेख अद्यावधिक गर्न मातहतका सहकारीहरुसँग  बागमती प्रदेश सरकार, सहकारी तथा गरिबी निवारण मन्त्रालयले विवरण पठाउन अनुरोध  गरेको छ । असोज २२ गते एक सूचना जारी गर्दै आन्दोलनका क्रममा आगजनीबाट सहकारीको अभिलेख नष्ट भएको उल्लेख गर्दै पुनः संग्रह गर्नका लागि नियमन क्षेत्राधिकार भित्रका सहकारी संघ÷संस्थाहरुलाई विवरण पठाउन अनुरोध गरेको हो । 

सहकारी संघ.संस्थाहरुलाई आर्थिक वर्ष २०८१÷८२ को वार्षिक साधारण सभाको उपस्थिति विवरण तथा निर्णयको प्रतिलिपि, बहालवाला संचालक समितिका सदस्यहरुको फोटो र हस्ताक्षर सहितको तीन पुस्ते विवरण र नागरिकताको प्रतिलिपि र संस्थाको स्वीकृत विनियम तथा संस्थाको दर्ता प्रमाणपत्रको प्रतिलिपि भौतिक रूपमा नै पठाउन महाशाखाले आग्रह गरेको हो । 

सहकारीले आ.व. २०७९÷ ८० र २०८०÷८१ को साधारण सभाको विवरण र लेखा परीक्षण प्रतिवेदनको प्रमाणित प्रतिलिपि तथा लेखा परीक्षक नियुक्तिको विवरण, पछिल्लो दुई कार्यकालको संचालक समितिका सदस्यहरुको फोटो तथा हस्ताक्षर सहितको तीनपुस्ते विवरण र नागरिकताको प्रतिलिपि र संस्थाको कर चुक्ता प्रमाणपत्र वा म्याद थप पत्रको प्रतिलिपि हाल सम्म कोपोमिस प्रणालीमा विवरण अद्यावधिक गरेको प्रमाणका साथै मन्त्रालयको वेबसाईडमा रहेको सहकारी अद्यावधिक विवरण २०८१÷८२ फारम भरेको प्रमाणहरू पठाउनलाई सुचना गरेको छ ।